A-landsliðið hjá kvinnum úttikið

Dia Midjord, A-landsliðsvenjari hjá kvinnum, hevur í dag úttikið 16 spælarar, sum skulu umboða Føroyar í tveimum landsdystum móti Makedonia síðst í mánaðinum. 

Talan er um tveir EM-undankappingardystir.  21. mars spæla Føroyar og Makedonia í høllini á Hálsi og  25. mars hittast londini í  makedonska høvuðsstaðnum, Skojpe.

Føroyar eru í bólki við Makedonia, Svøríki og Serbia. Í heyst spældu Føroyar tveir teir fyrstu EM-undankappingardystirnar, tá móti Svøríki á heimavølli og Serbia á útivølli. Næsti dystur móti hesum londum verður í mai.

Tær, sum eru úttiknar til landsdystirnar móti Makedonia eru:

Vivian Petersen, Selfoss
Fríða Petersen, VÍF
Margit W. Frímundsdóttir, Neistin
Pernille Brandenburg, Vestsyssel
Bjarta O. Johansen, Kyndil
Ninna K. Johansen, DK
Eir M. Berg, Neistin
Tóra Eliassen, Stjørnan
Turið Arge Samuelsen, Kyndil
Liljan Djurhuus, VÍF
Durita J. Christophersen, VÍF
Marianna H. Jacobsen, VÍF
Agnas Olsen, VÍF
Kristianna H. Joensen, Ikast
Marianna G. Eystberg, Kyndil
Bára K. Hansen, Kyndil

 

 

Turið til topplið í Íslandi

17. mai 2018

Mikudagin gjørdu Turið Arge Samuelsen og Hondbóltsfelagið Haukar á Hafnarfirði avtalu um, at Turið spælir við besta kvinnuliðnum hjá Haukum kappingarárini 2018/19 og 2019/20.

Fríkast: Danir á føroyska landsliðnum

14. mai 2018

Kjak hevur stungið seg upp um hondbóltsspælarar, sum ikki hava føroysk ættarbond, skulu kunna spæla á føroyskum landsliði, nú málverjin hjá Neistanum, Nicholas Satchwell, er úttikin til bruttohópin hjá A-landsliðnum.

U16 landsliðið vann á U18 hjá Skjern

11. mai 2018

U16 landsliðið hjá Føroyum er í hesum døgum á venjingarlegu í Danmark. Í dag vóru tveir venjingardystir á skránni. Føroyar vunnu annan teirra.