Ágúst Jóhannsson farin úr starvi

HSF og venjarin hjá kvinnulandsliðnum, Ágúst Jóhannsson, eru komin ásamt um at enda samstarvið. Korona-støðan hevur gjørt tað trupult hjá venjaranum at vera um landsliðið nú fyrireikingarnar til komandi HM-undankappingina skulu byrja í summar. Saman við Ágústi fer Sophus Dal Christiansen, hjálparvenjari, eisini úr starvi.

Ítróttarliga leiðslan í HSF viðmerkir, at Ágúst og Sophus hava megnað at lyft liðið upp á eitt hægri stig og hava úrslitini í farnu HM- og EM-undankapping verið nøktandi, liðið vann millum annð ein HM-undandyst móti Litava.

Águst Johannsson viðmerkir, at tað hevur verið ein góð tíð, sum venjarin hjá kvinnunum. Tað eru nógvir góðir ungir føroyskir leikarar og ynski eg øllum góðu eydnu í framtíðini.

Leiðslan í HSF ásannar, at tørvur er á einum venjara, sum skal vera búsitandi í Føroyum og harvið kann vera tættari at liðinum. Tað verður mett, at hetta er tað rætta í løtuni, tá talan er um eitt sera ungt landslið, sum er í einari uppbyggingarfasu. Ungdómslandsliðini hjá HSF telja fleiri evnaríkar spírar og er ynskiligt, at landsliðvenjarin kann fylgja teimum nærri.

HSF takkar Ágústi og Sophusi fyri samstarvið og nú verður nú farið undir at seta nýggjar venjarar.

Julian Johansen, sum er venjari í HSF, kemur fyribils at vera virkandi venjari fyri tíðarskeiðið mai, juni og juli.

Fleiri enn 500 børn og ung tilmeldaði til Faroe Islands Handball Cup í Vági

3. juli 2020

Í august verður hondbóltskappingin Faroe Islands Handball Cup á fyrst sinni í Vági. Og nú tilmeldingarfreistin er farin eru tað meldaði 59 lið til kappingina og tilsamans fleiri enn 500 børn og ung, sum koma til Vágs at kappast í døgunum 3. til 5. august.

Lutakastið til HM-undankappingina hjá kvinnum

29. juni 2020

Mikudagin 8. juli kl. 14.00, verður lutakastið til komandi HM-undankappingina hjá kvinnum.

Online venjara- og dómaraskeið

19. juni 2020

IHF – Altjóða hondbóltssamgongan fer komandi mánaðin at skipa fyri einari røð av stytri online venjara- og dómaraskeiðum. Einhvør kann luttaka og tað einasta sum krevst er eitt gott internetsamband. Les meira um skeiðini og tilmelding her: IHF Live Online Symposium 2020_Programme