Allan til Íslands

Allan Norðberg verður ikki at síggja í hvítu og reyðu STÍF blusuni næsta kappingarár. 24 ára gamli strandingurin hevur nevnliga gjørt ein tveyára sáttmála við íslendska felagið í Akureyri, KA.

– Eg havi altíð viljað roynt meg uttanlands, og um tað skuldi verða, so var tað nú. Hetta var ein góður møguleiki, sum eg ikki kundi siga nei til, sigur Allan Norðberg.

KA, har Áki Egilsnes eisini spælir, er júst flutt upp í bestu deildina.

– Eg gleði meg nógv til nýggju avbjóðingina. Sum eg skilji eru umstøðurnar ógvuliga góðar í KA og eg vóni, at eg fari at menna meg nógv sum hondbóltsspælara. Eg fari í øllum førum at gera mítt ítasta, sigur vinstrahandaði vongurin.

Allan Norðberg varð á ársins gallaveitslu valdur sum besti høgrivongur í Føroyum farna kappingarár og hann er júst úttikin til bruttohópin hjá A-landsliðnum, sum skal royna seg í EM-undankapping í heyst.

Sjálvstøðug venjing

13. mars 2020

Haldið venjingina við líka!

Kvinnulandsdystir útsettir

13. mars 2020

Kvinnulandsdystirnir, sum skuldu verða í mars eru útsettir.

Allir hondbóltsdystir fyribils útsettir

11. mars 2020

Vísandi til nýggjastu tíðindini um, hvussu corona-smittan er farin at gera um seg í grannalondunum, og at vit tí eiga at verða eyka varin í Føroyum ta næstu tíðina, hevur starvsnevndin í Hondbóltssambandi Føroya avgjørt fyribils at útseta allar hondbóltsdystir – bæði hjá teimum vaksnu og hjá børnunum – í tvær vikur.  Hondbóltssamband Føroya mælir […]