Nú eru atgongumerkini til landsdystirnar í mars komin til sølu.
Atgongumerki kunnu keypast á Atgongumerki.fo.
Talan eru um EM-undankappingardystin hjá kvinnum Føroyar – Eysturríki mikudagin 2. mars kl. 19.00 og fyrra HM play-off dystin hjá monnum móti Hvítarusslandi, sum verður mikudagin 16. mars kl. 19.00.
Eisini eru atgongumerkini til Faxe Kondi steypafinaluna hjá kvinnum millum Kyndil og H71 komin til sølu. Finalan verður leygardagin 19. mars í Høllini á Hálsi.
Føroyska kvinnulandsliðið skal spæla tveir dystir móti Finnlandi, ávikavist 4. og 5. apríl. Talan er um venjingardystir.
Tað er stórur munur á heima- og útivølli í hondbólti. Hetta má staðfestast eftir stóra ósigurin móti Rumenia í dag. Føroyska manslandsliðið gjørdi nógv álopsmistøk og brendu nógvar málmøguleikar. Føroyar taptu 25-17, eftir 14-10 til rumenar í hálvleikinum.
Eftir sigurin á Rumenia mikukvøldið, kom av álvara gongd á atgongumerkjasøluna til seinasta heimadystin í hesari EM-undankappingini, og vóru øll atgongumerkini til dystin móti Ukraina seld í gjár.
