Atgongumerkjasølan er byrjað

Nú kunnu føroyingar endiliga tryggja sær atgongumerki til dystin millum manslandsliðini hjá Føroyum og Danmark. 

Onnur langsíðan, ið er besta pláss í høllini, er sett av til føroysku áskoðararnar. Atgongumerki kunnu keypast við at trýsta her.

Dysturin verður leygardagin 27. oktober í stásuliga Skjern Bank Arena. Tað er pláss fyri 3.600 áskoðarum.

Skjern er hálvan tíma frá Billund.

Hondbóltssambandið vónar og væntar, at nógvir føroyingar fara at stuðla føroysku hondbóltsmonnunum, serliga nú, tá teir eru noyddir at spæla sínar heimadystir á útivølli.

Koyr á Føroyar!

Hesi halda skil á landsliðunum

26. januar 2023

Øll landsliðini hjá HSF hava ein liðleiðara tilknýttan, sum tryggjar at venjingar, kappingar og virksemi kring liðini sum heild gongur smidliga.

Spennandi HM-lutakast

17. januar 2023

Føroysku U21-mennirnir fingu eitt gott og spennandi lutakast til HM-endaspælið. Føroyar komu í bólk D saman við Spania, Japan og Angola.

Stroymið U21 HM lutakastið

17. januar 2023

Í dag kl. 15.00 verður lutakastið til U21 HM-endaspælið hjá monnum, sum verður leikt í Týsklandi og Grikkalandi.