Dagførd koronavegleiðing

Korona-støðan í samfelagnum broytist leypandi og nú kappingarárið í hondbólti byrjar, hevur HSF dagført sína korona-vegleiðing í sambandi við venjing og dystir.

Leikarar
– Ver altíð heima, um tú hevur sjúkutekin.
– Hav gott handreinføri.
– Hav egnan drekkidunk við.
– Halt frástøðu í mest møguligan mun.
– Hevur tú illgruna um smittu, lat teg alt fyri eitt kanna og ver heima til úrslitið fyriliggur.

Ábyrgdarfólk
– Spritt skal standa frammi viðkomandi støð í høllini.
– Viðkomandi yvirflatir skulu verða sprittaðar javnan.
– Skipa skráseting av áskoðarum o.ø. skal fara fram í sambandi við venjing og dystir.
– Almennu tilmælini viðvíkjandi sóttarhaldi skulu verða fylgd.

Áskoðarar
– Ver altíð heima, um tú hevur sjúkutekin.
– Hav gott handreinføri.
– Skráset teg við navni og telefonnummari.
– Halt frástøðu til aðrar áskoðarar, leikarar o.o., og sit einans tætt uppat persónum úr tínum egna húski.

Góð ráð til feløgini:
– Um skiftingarrúm verður nýtt til fleiri ymisk lið sama dag, eigur skiftingarrúmið at verða vaska/spritta við hóskandi millumbilum.
– Er felagsfundur áðrenn dyst, eigur hesin at verða í einum so stórum høli, at tað kann verða í minsta lagi 1 metur millum hvønn luttakara.
– Vestar og venjingarútgerð eigur í mest møguligan mun at verða handfarin av sama persóni, og best er, um útgerðin verður vaskað áðrenn og eftir dyst.
– Heitið á kommununa um at hanga plakatur upp viðkomandi støð í høllini, sum minna fólk á at fara heim, um tey hava sjúkutekin, at hava gott handreinføri og í mest møguligan mun at halda frástøðu.

Útsetan av dystum
– Um tríggir ella fleiri leikarar á sama liði verða raktir av korona ella tvungnari karantenu, kan dystur verða útsettur. Skjalprógv frá Landslæknanum skal fyriliggja.
Vegleiðingin kann takast niður her:
20200903 HSF Korona-leiðreglur

Bók um Elias

30. november 2022

Elias – ein hondbóltsstjørna, er heitið á nýggjari barnabók, sum Páll Holm Johannesen hevur skrivað.

Europeiskur hondbóltur á Hálsi

28. november 2022

Komandi vikuskiftið skulu H71-kvinnur spæla dystir í European Cup móti DHC Slavia Praha.

HSF longt við U04-venjarar

23. november 2022

HSF hevur longt sáttmálarnar við verandi venjarar hjá U04-manslandsliðnum, Hjalta Mohr Jacobsen og Djóna Gaard Joensen.