Dómaranevndin hjá HSF kallaði teir, sum døma í hvonn- og FTZ-deildini, til fundar í ÍSF-húsinum, týskvøldið 21. november. Vanligt er, at dómararnir hittast nakrar ferðir gjøgnum kappingarárið at eftirmeta og práta um viðkomandi viðurskifti.
Dánjal Samuelsen legði fram um væntanir til dómarar og dómaraatburð í samband við dystir, og harumframt gjøgnumgekk Kartsten Joensen tey viðurskifti, sum áherðsla hevur verið løgd á í ár.
Sum altíð var uppmøtingin góð og kjakið lívligt.
Føroyska kvinnulandsliðið skal spæla tveir dystir móti Finnlandi, ávikavist 4. og 5. apríl. Talan er um venjingardystir.
Tað er stórur munur á heima- og útivølli í hondbólti. Hetta má staðfestast eftir stóra ósigurin móti Rumenia í dag. Føroyska manslandsliðið gjørdi nógv álopsmistøk og brendu nógvar málmøguleikar. Føroyar taptu 25-17, eftir 14-10 til rumenar í hálvleikinum.
Eftir sigurin á Rumenia mikukvøldið, kom av álvara gongd á atgongumerkjasøluna til seinasta heimadystin í hesari EM-undankappingini, og vóru øll atgongumerkini til dystin móti Ukraina seld í gjár.
