Ein góður seinni hálvleikur

A-landsliðið hjá kvinnum spældi sín seinna EM-undankappingardyst móti Makedonia í kvøld. Dysturin varð spældur í makedonska høvuðsstaðnum, Skojpe. 

Talan var um ein betur spældan dyst enn mikukvøldið, tá londini hittust í Høllini á Hálsi. Serliga gekst betur við málskjótingini.

Í fyrra hálvleiki var Makedonia greitt omaná og tá farið var til hálvleiks var støðan 14-8 til heimaliðið. Í seinna hálvleiki kom glið á álopsspælið hjá Føroyum og verjan stóð stinnari. Føroysku kvinnurnar stríddust væl og vóru ein støðug hóttan. Tó var munurin ov stórur at fáa innaftur og Makedonia vann 28-24.

A-landsliðið sum fór til Makedonia var nakað øðrvísi enn liðið, ið spældi í Føroyum. Bára Krossteig Hansen var ikki við og somuleiðis Marianna Geirsdóttir Eystberg og Tóra Eliasen, sum skuldu spæla við U20-landsliðnum. Ístaðin var Liljan Djurhuus við, sum ikki var við mikukvøldið vegna ein skaða í hondini. 

Føroysku málskjúttarnir:
Kristianna H. Joensen 5
Liljan Djurhuus 5
Durita Christophersen Jojic 5
Eir Berg 3
Daniella Joensen 2
Turið Arge Samuelsen 2
Agnas Olsen 1
Bjarta O. Johansen 1

Føroyar hava tveir dystir eftir í EM-undankappingini, sum er móti Svøríki á útivølli og Serbia á heimavølli. Teir dystirnir eru 29. mai og 2. juni.

 

Bók um Elias

30. november 2022

Elias – ein hondbóltsstjørna, er heitið á nýggjari barnabók, sum Páll Holm Johannesen hevur skrivað.

Europeiskur hondbóltur á Hálsi

28. november 2022

Komandi vikuskiftið skulu H71-kvinnur spæla dystir í European Cup móti DHC Slavia Praha.

HSF longt við U04-venjarar

23. november 2022

HSF hevur longt sáttmálarnar við verandi venjarar hjá U04-manslandsliðnum, Hjalta Mohr Jacobsen og Djóna Gaard Joensen.