Ein munagóð leikaramenning

Triðja umfar av leikaramenningini hjá HSF – LM3  – hevur verið kring landið seinastu tveir leygardagarnar.

Leygardagin 2. desember vóru U15 dreingir í Vestmanna, U13 dreingir á Eiði, meðan bæði U15 og U13 hjá gentum vóru í Vági. Hetta var samstundis fyrstu ferð, at leikaramenning hevur verið í Vági.

Leygardagin 9. desember vóru U12 hjá gentum og dreingum til leikaramenning á Giljanesi.

– Venjingarnar gingu væl og vit kunnu ásanna, at tað eru nøkur hugaði og evnarík børn, sum eru til venjingarnar, sigur Hallur Danielsen, sum starvast hjá HSF, við leikaramenningini burturav.

Hann sigur, at dagurin í Vági við U15 og U13 gentum var serligur. Farið var av Havnini kl. 07:00 og aftur kl 20:30, so dagurin var væl longri, enn ein leikaramenning vanliga fevnir um.

– Umframt at báðir bólkarnir høvdu tvær hallarvenjingar hvør, var eisini annað spennandi á skránni. Yngru genturnar byrjaðu dagin við eini spurnarkapping og høvdu eina skaðafyribyrgjandi venjing.  Eldru genturnar vóru til fyrilestur um ítróttaskúlan í Vági og eisini hevði Dia Midjord, sum júst er settur sum landsliðsvenjari hjá U16, hevði eina framløgu um, hvat hann leggur áherðslu á og hvussu  hann ætlar at skipa landsliðsarbeiðið. Dagurin endaði í Pálshøll, har genturnar sluppu at royna góðu umstøðurnar, greiðir ein væl nøgdur Hallur Danielsen frá.

Næsta umfar av leikaramenningini – LM4 – verður leygardagin 27. januar og 3. februar.

HSF longt við U04-venjarar

23. november 2022

HSF hevur longt sáttmálarnar við verandi venjarar hjá U04-manslandsliðnum, Hjalta Mohr Jacobsen og Djóna Gaard Joensen.

Stjóri settur í HSF

17. november 2022

Hans Jón Thomsen er settur sum stjóri í Hondbóltssambandi Føroya. Talan er um eitt nýtt starv, sum í sambandi við økta virksemi skal styrkja um umsiting og leiðslu í sambandinum.

Leikaramenning 2022-23

15. november 2022

Seinastu tvey vikuskiftini hava 250 gentur og dreingir verið til leikaramenngin hjá HSF. Talan eru um leikarar føddir í 2008, 2009 og 2010. Samlingarnar hava verið í Havn og Klaksvík.