Eitt ár eldri og eitt ár betri

H71 royndi seg í bestu kvinnudeildini á fyrsta sinni í fjør. Tað varð ikki væntað tað stóra av teimum, tí spælararnir høvdu at kalla ongar royndir millum tær bestu. Tær vóru eisini allar yngri enn 20 ár. H71 beit kortini frá sær og skavaðu 15 stig saman. Tað rakk til eitt sætta pláss.

Nú eru hoyvíkskvinnur eitt ár royndari og eitt ár eldri – men framvegis ungar. Spælararnir eru millum 16 og 21 ár.

– Vit eru nøgdar við okkara avrik í fjør. Farna kappingarár var eitt menningarár og tað verður hetta kappingarárið eisini. Vit halda sjálvar, at hópurin er meira búgvin, so vónandi fer tað at eydnast okkum at vinna nøkur stig afturat í ár, sigur 18 ára gamla Maria Halsdóttir Weyhe. Hon varð toppskjútti í bestu deildini farna kappingarár við 185 málum.

Nakrar teirra, sum vóru við í fjør, eru fluttar til Danmarkar í lestrarørindum. Onkur er eisini farin at fjakka.

Ein spælari, sum helst fer at gera mun í ár, er Marita Mortensen, sum seinasta árið hevur spælt ungdómshondbólt við danska FIF.

– Eg vil meta, at vit eru eitt vet betur fyri í ár, samanborið við í fjør. Vit hava einki plaseringsmál, tí tað týdningarmiklasta fyri okkum er framvegis menningin. Vit fara at gera okkara besta og ætla at gera tað betur enn í fjør, sigur Maria Halsdóttir Weyhe.

A-landsliðið hjá kvinnum úttikið

18. mars 2024

Landsliðsvenjararnir, Claus Mogensen og Simon Olsen, hava úttikið hesar 16 leikarar til EM-undandystirnar móti Svøríki og Íslandi, ávikavist á heima- og útivølli tann 3. og 7. apríl.

Íblástur við Peter Bredsdorff-Larsen

14. mars 2024

Tá føroysku A-landsliðini eru saman, er tað útyvir týdningarmiklar fyrireikingar, eisini møguleikin hjá okkara venjarum kring landið at fáa íblástur frá okkara A-landsliðsvenjarum, sum hava nógvar royndir frá altjóða hondbóltsheiminum.

Lýsing eftir dómaramennara

6. mars 2024

Føroyskur hondbóltur hevur verið í støðugari menning seinastu árini. Stóra menningin í spælinum setur alsamt størri krøv til døming og kringviðurskiftini í hesum sambandi. Ásannandi tørvin at stimbra og menna dómaraumhvørvið í føroyskum hondbólti, søkir HSF tískil eftir einum dómaramennara.