Elias var besti spæliskipari

Elias á Skipagøtu varð valdur besti spæliskiparin undir EM-kappingini fyri U18-landslið, sum hevur verið í Tbilisi í Georgia seinastu tíggju dagarnar.

Eftir hvørja EM- og HM-kapping er vanligt at velja eitt “all star” lið, har besti spælarin á hvørjum einstøkum plássi verður kosin. Hesaferð var einki undantak, men tað er meira sjáldsamt, at ein føroyingur verður valdur.

Bara 16 ára gamli Elias á Skipagøtu hevur spælt eina framúr EM-kapping, og tað hevur evropeiska hondbóltssambandið varnast. Tað merkisverda við Eliasi er, at hann kann skjóta við báðum hondum, og tað lumpaði fleiri mótstøðumenn.  Hann er eisini væl fyri tekniskt, og hann hevur eitt gott bólteyga.

Elias á Skipagøtu skeyt 52 mál í sjey dystum undir EM-kappingini. Hann fekk triðflest mál av øllum.

Hoyvíkingurin skal komandi kappingarár spæla hondbólt í Skanderborg í Danmark.

Tá U20-landsliðið við monnum tók lut í EM-kapping í juli var ein føroyingur eisini valdur á “all star” liðið. Hørður Trygvason varð tá valdur besti málverjin í kappingini.

 

 

Føroymeistarar og bólkavinnarar hjá børnum

8. apríl 2020

Støðurnar eru gjørdar upp. Her er yvirlit yvir føroyameistarar og bólkavinnarar hjá børnum og næstbestu deild.

Fráboðan um kappingina

8. apríl 2020

Kunning viðvíkjandi kappingini í SMS og Okkara deildini.

Vóna enn at gjøgnumføra kappingina

6. apríl 2020

Starvsnevndin og kappingarnevndin hjá HSF hava seinastu tíðina viðgjørt truplu korona-støðuna í mun til landskappingina. Vónin er enn at gjøgnumføra kappingina og finna FM-vinnarar í bestu deildunum.