Endaðu á 4. plássi í Sparkassen Cup

Føroysku U18-menninir endaðu sum nr. 4 av 8 liðum í Sparkassen Cup. Liðið tapti fyrst hálvfinaluna móti Týskland og seinni bronsudystin móti Hvítarusslandi í dag.

Hóast okkara kempaðu manniliga, so vóru U18-menninir ov stuttir móti Týsklandi í hálvfinaluni í dag. Úrslitið gjørdist 39-35 til Týsklands, eftir 19-16 til Føryar í hálvleikinum. Tað hevði stóra ávirkan á føroyska verjuspælið, at Victor Gaini fekk reytt kort seint í fyrra hálvleiki eftir tríggjar útvísingar og hevði verjan trupult við at steðga týsku skjúttunum eftir hetta.

Liðini fylgdust tó líka til 10 minuttir vóru eftir, men tá mistu okkara tíverri. Fleiri óneyv skot kostaðu og vóru týskarar eirindaleysir í hinum endanum.

Málskjúttar móti Týsklandi:
Elias Ellefsen á Skipagøtu 14 (4)
Hákun West av Teigum 7
Pauli Mittún 7
Baldur Gillason 4
Viktor Norling Gaini 2
Rói Ellefsen á Skipagøtu 1
Kristoffur Bjørgvin 1

Føroyar endaðu á fjórða plássi í Sparkassen Cup. Liðið tapti bronudystin 35-29 móti Hvítarusslandi. Dysturin var merktur av, at hetta var fimti dystur uppá tríggjar dagar og tóktist liðini tung í beinunum.

Liðini fylgdust tað mesta av dystinum, men høvdu hvítarussar fyri tað mesta nøsina frammanfyri. Tá 10 minuttir vóru eftir vann Hvítarussland seg nøkur mál fram um og hildu hetta til dystarlok.

Bók um Elias

30. november 2022

Elias – ein hondbóltsstjørna, er heitið á nýggjari barnabók, sum Páll Holm Johannesen hevur skrivað.

Europeiskur hondbóltur á Hálsi

28. november 2022

Komandi vikuskiftið skulu H71-kvinnur spæla dystir í European Cup móti DHC Slavia Praha.

HSF longt við U04-venjarar

23. november 2022

HSF hevur longt sáttmálarnar við verandi venjarar hjá U04-manslandsliðnum, Hjalta Mohr Jacobsen og Djóna Gaard Joensen.