Ferðandi í hondbólti – handan leiktjøldini

Komandi fríggjadag kl. 19.00 verður almennur fyrilestur við Mads Hansen, altjóða hondbóltsdómara. Fyrilesturin verður hjá okkara høvuðstuðli BankNordik á Oknarvegi 5.

Fyrilesturin ber heiti: Ferðandi í hondbólti – handan leiktjøldini

Mads Hansen hevur dømt í yvir 20 ár í donskum og altjóða hondbólti saman við Martin Gjeding. Teir hava m.a. dømt bæði HM- og EM-finalur hjá bæði kvinnum og monnum, Champions League finalur hjá bæði monnum og kvinnum og OL í bæði Beijing og Rio.

Mads Hansen kemur at greiða frá, hvussu hansara yrkisleið sum dómari byrjaði og hvat hann hevur upplivað higartil. Ein mutursmál í Rumenia, politiski parturin av døming, sum man sjáldan hoyrir um í almenninginum. Hartil vaksandi áhugan frá fjølmiðlum fyri døming, herundir dómaraljóð/samskifti í donskum sjónvarpsdystum, verkætlan við Go-pro kamera á pannuni saman við TV2, umframt annað hann hevur upplivað gjøgnum tíðina, og hví hann heldur tað vera verðins feitasta frítíðarítriv at døma hondbólt.

Ynskja tit at koma til fyrilesturin, kunnu tit boða frá við at skriva til ari@hsf.fo.

HSF longt við U04-venjarar

23. november 2022

HSF hevur longt sáttmálarnar við verandi venjarar hjá U04-manslandsliðnum, Hjalta Mohr Jacobsen og Djóna Gaard Joensen.

Stjóri settur í HSF

17. november 2022

Hans Jón Thomsen er settur sum stjóri í Hondbóltssambandi Føroya. Talan er um eitt nýtt starv, sum í sambandi við økta virksemi skal styrkja um umsiting og leiðslu í sambandinum.

Leikaramenning 2022-23

15. november 2022

Seinastu tvey vikuskiftini hava 250 gentur og dreingir verið til leikaramenngin hjá HSF. Talan eru um leikarar føddir í 2008, 2009 og 2010. Samlingarnar hava verið í Havn og Klaksvík.