Fingu ikki fatur á litavum

A-landsliðið hjá monnum hevði tað trupult móti Litava í dag. Úrslitið gjørdist eitt 36-25 tap, eftir 18-12 í hálvleikinum.

Føroyska liðið byrjaði dystin hampuliga væl og komu til fleiri góðar kjansir, men heldur illa varð brent fyrstu løtuna. Verjan hevði tað tó trupult at halda litavunum í longri løtur á gangin. Litavar vóru bæði væl vaksnir, sterkir og flytførir og høvdu okkara trupult við at halda teimum mann móti manni. Álopsspælið var sum heild gott, men at okkara brendu nakrar fleiri møguleikar, gjørdu yvirtrakk og brendu brotskast í hinum endanum, gjørdi at tað var trupult at nærkast litavisku leiðsluni.

Føroyska liðið hevði eina vánaligu byrjan uppá seinna hálvleik og dragnaði enn meira. Men lá munurin um tey 10 málini ta mesta av seinna hálvleiki. Í tí stóra heila var álopsspælið á góðari leið, men heldur nógvir møguleikar brendir. At teir skoraðu 36 mál sigur nakað um verjupartin, sum skal betrast um vit skulu klára okkum móti hægri styrkismettu tjóðunum.

Føroyar spæla í morgin kl. 14.00 móti Slovakia, sum í dag vann 22-16 móti vertunum úr Luksemborg.

Støðan í bólkinum sæst her:
http://eurohandball.com/wch/men/2021/round/2/Qualification+Europe

Málskjúttar:
Niklas Selvig 6, Peter Krogh 5, Jónas Gunnarson Djurhuus 4, Kjartan Johansen 4, Rógvi Dal Christiansen 2, Rói Berg Hansen 2, Rókur Akralíð 1, Hilmar Leon Jakobsen 1.

Málverjar:
Nicholas Satchweel 25 % (50 min)
Tóraldur Kollsker 25 % (10 min)

Dystargongdin:
5 min: 1-3
10 min: 4-6
15 min: 7-8
20 min: 10-13
25 min: 12-15
35 min: 21-14
40 min: 25-18
45 min: 27-21
50 min: 30-21
55 min: 33-23

Væleydnað summarkapping

4. august 2021

Faroe Islands Handball Cup í Vági er av á hesum sinni. Hetta er annað árið kappingin verður hildin, og var aftur talan um eina sera væleydnaða summarkapping, sum Vágs Bóltfelag skipar fyri.

U19-menn: 17 leikarir úttiknir

2. august 2021

Landsliðsvenjararnir, Mark Lausen- Marcher og Julian Johansen, hava úttikið hesar leikarar til Scandinavian Open og EHF Championship kappingina, sum báðar verða leiktar í august.

U17-landsliðið hjá kvinnum úttikið

23. juli 2021

Landsliðsvenjararnir, Simon Olsen og Magni Thomsen, hava úttikið hesar leikarar til Euro Championship kappingina, sum verður leikt í Georgia 6.- 15. august.