Finnland vann við tveimum

A-landsliðið við monnum tapti í dag seinna dystin móti Finnlandi. Úrslitið var 27-25.

– Vit eru ónøgdir við úrslitið, men vit hava fingið nógv burtur úr túrinum, sum vit kunnu gangnýta til fyrireikingarnar móti Montenegro og Danmark seinni í mánaðinum, sigur Sonni Larsen, landsliðsvenjari.

Tað gekk javnt á í fyrra hálvleiki, har liðini fylgdust mál um mál. Í løtum vóru Føroyar á odda við einum máli og í løtum Finnland.

Síðstu 10 minuttirnar øktist munurin. Føroyar brendu nakrar upplagdar møguleikar og fingu eina útvísing. Tá farið verður til hálvleiks er støðan 15-12 til Finnland.

Seinni hálvleikur byrjaði ógvuliga illa við at Føroyar fingu eina útvísing, samstundis sum finnar fingu brotskast. Finnland helt frástøðu á trý- og fýra mál og dysturin gjørdist tí ongantíð spennandi. Síðstu minuttirnar megnaðu føroysku leikararnir at minka um munin til tvey mál, men tá var ov seint.

Málskjúttar: Peter Krogh 7, Jónas Djurhuus 4, Fríði Weyhe 4, Rói Berg Hansen 2, Rókur Akralíð 2, Vilhelm Poulsen 2,  Brandur Halgirsson 1, Helgi Hoydal 1, Vilhelm Vilhelmsen 1, Hans Eli Sigurdbjørnsson 1.

 

Hesi halda skil á landsliðunum

26. januar 2023

Øll landsliðini hjá HSF hava ein liðleiðara tilknýttan, sum tryggjar at venjingar, kappingar og virksemi kring liðini sum heild gongur smidliga.

Spennandi HM-lutakast

17. januar 2023

Føroysku U21-mennirnir fingu eitt gott og spennandi lutakast til HM-endaspælið. Føroyar komu í bólk D saman við Spania, Japan og Angola.

Stroymið U21 HM lutakastið

17. januar 2023

Í dag kl. 15.00 verður lutakastið til U21 HM-endaspælið hjá monnum, sum verður leikt í Týsklandi og Grikkalandi.