FM-finaluliðini skulu finnast mikukvøldið

Spenningurin er í hæddini í FM-finalustríðnum.

Finalistarnir vórðu ikki funnir í 2. hálvfinalunum, ið vórðu spældar í gjár. Avgerðin fellur mikukvøldið, tá triðju og síðstu hálvfinalurnar skulu spælast.

H71 og VÍF hittast klokkan 18.30 í Hoyvíkshøllini, og Neistin og Kyndil bresta saman klokkan 20.30 í Høllini á Hálsi.

Triðja hálvfinalan skal avgerðast eins og tær undanfarnu. Stendur á jøvnum eftir vanliga leiktíð, verður longd leiktíð á tvær ferðir fimm minuttir. Er vinnari ikki funnin tá, skulu liðini út í brotskastkapping, har tey skjóta fimm brotskøst hvør. Stendur framvegis á jøvnum, skal brotskast skjótast, til dysturin er avgjørdur. 

Dystur í dystinum

15. juni 2019

Dysturin móti Danmark kann fáa týdning fyri, hvørja kapping Føroyar skulu taka lut í í 2021. 

Munurin var trý mál

13. juni 2019

Føroyar taptu 21-24 fyri Montenegro í næstseinasta dysti í EM-undankappingini. 

Farum Arena tekur skap

12. juni 2019

Tað hevur verið stákast og gjørt klárt síðan tíðliga í morgun í dystarhøllini, Farum Arena, til heimadystin hjá Føroyum í annaðkvøld.