Føroyar bastu Estlandi

So hildnaðist aftur hjá føroyska U20-landsliðnum, sum seinnapartin vann á Estlandi í sínum fjórða dysti í EM-kappingini í Makedonia. Føroyar vunnu ein tepran sigur, 20-19.

Liðini fylgdust allan dystin á tamb og ongantíð vóru meira enn tvey mál á muni. Tá farið var til hálvleiks var støðan 11-10 til Estland.

Tað gingu átta minuttir til hol kom á málskjótingina í seinna hálvleiki. Verjurnar í báðum endum vóru stinnar, samstundis sum málverjarnir stóðu væl, serliga Hørður Trygvason í føroyska málinum, ið hevði fleiri framúr bjargingar. Tað var eisini hoyvíkingurin, sum endaði við at gerast dagsins maður og tryggja Føroyum sigurin. Føroyar høvdu nevnliga tvær útvísingar í síðstu minuttunum, samstundis sum Estland fór í álop og hevði møguleika at javna, men við góðum málmansspæli frá Hørði, bleiv sigurin føroyskur.

Eftir dystin varð Hørður Trygvason valdur til dagsins leikara.

Hósdagin skulu Føroyar hitta Hvítarussland, sum er sterkasta liðið í bólkinum. Tvey lið úr hvørjum bólki spæla seg víðari til fjórðingsfinalurnar. Føroyar skulu vinna á Hvítarusslandi, fyri at tryggja sær víðari luttøku í EM-kappingini. Ein annar lítil møguleiki er til staðar, um Føroyar og Hvítarussland spæla javnt, men tá skal Grikkaland vinna á Finnlandi og Litava og Estlands skulu spæla javnt.

Málskjúttar:
Bartal Klein Olsen 5
Brandur Halgirsson 3
Niklas Hanusarson 3
Vilhelm Poulsen 3
Bergur Ákason 2
Høgni Zachariassen 2
Hallur Arason 1
Leivur Mortensen 2

A-landsliðið úttikið

11. oktober 2018

Nú er greitt, hvussu manslandsliðið verður mannað til dystirnar móti Montenegro og Danmark síðst í mánaðinum. Hópurin varð kunngjørdur á tíðindafundi í høvuðssætinum hjá BankNordik fyri løtu síðan.

Heystkappingin verður leygardagin

10. oktober 2018

Á hvørjum ári er Heystkappingin, sum er kapping fyri gentur og dreingir 10 og 12 ár. Heystkappingin er ein eindags kapping, har tey ungu sleppa at royna seg áðrenn landskappingin byrjar.

Danski hópurin móti Føroyum úttikin

8. oktober 2018

Danmark møtir upp við sínum bestu hondbóltsspælarum móti Føroyum.