Føroyar bukaðu Litava

Við einum megnar avriki eydnaðist tað føroyska kvinnulandsliðnum at vinna á Litava í HM-undankappingardysti í Sveis í dag. Føroyar vunnu 25-21.

Tað sást frá dystarbyrjan, at tað var ein heilt annar andi yvir hópinum, enn tá liðið trein á vøllin móti Finnlandi í gjár.

Litava var stórfavorittur undan dystinum, men føroysku kvinnurnar vildu tað øðrvísi.

Føroyar fingu eina dreymabyrjan og løgdu seg á odda 3-1. Stóru og tungu litavarnir høvdu tað ógvuliga trupult at koma ígjøgnum føroysku verjuna og fáa bóltin framvið Viviann Petersen í føroyska málinum, og í álopinum riggaði næstan alt.

Tá farið var til hálvleiks var støðan 15-11 til Føroyar.

Góða gongdin helt fram í seinna hálvleiki. Føroysku leikararnir stríddust væl og tað lønaði seg. Litava fekk ikki sítt góða spæl at rigga og tað varð gagnýtt til fulnar av Føroyum.

Litava fekk prýtt nakað um úrslitið móti dystarenda og Føroyar vunnu við fýra málum.

Ein framúr stríðsvilji og eitt framúr avrik av føroysku leikarunum.

Málskjúttar:
Durita Christophersen 6
Súna Krossteig Hansen 4
Kristianna Henneberg Joensen 4
Ninna Johansen 4
Bára Krossteig Hansen 2
Turið Arge 2
Pernille Brandenborg 1
Bjarta Johansen 1
Marianna Geirsdóttir Eystberg 1

Nýggir landsliðsvenjarar hjá U06-landsliðnum hjá monnum

22. september 2022

Kristinn Guðmundsson og Mark Lausen-Marcher eru settir í starv sum venjarar hjá U06-landsliðnum hjá monnum. Her er talan um dreingir føddir í 2006 og 2007.

Intersport Night Cup 2022

21. september 2022

Nýtið heystfrítíðina aktivt – VÍF bjóðar aftur í ár øllum hondbóltstáhugaðum at luttaka í  ársins Intersport Night Cup. Kappingin verður fyri U10, U12 og U14 gentur og dreingir.

A-landsliðið hjá monnum úttikið

20. september 2022

Landsliðsvenjararnir, Peter Bredsdorff-Larsen og Lars Porskær Møller, hava úttikið hesar 16 leikarar til EM-undandystirnar móti Ukraina og Eysturríki, sum verða ávikavist 12. og 16. oktober.