Føroyar mistu sigurin

U19-landsliðið við kvinnum tapti seinnapartin fyri Turkalandi við fýra málum. 

Føroyar byrjaðu annars væl og løgdu seg á odda við trimum málum. Hendan leiðslan helt allan fyrra hálvleik. Hálvleiksstøðan var 11-14.

Fyrsta løtuna av seinna hálvleiki høvdu Føroyar hug at draga frá og komu á odda við fimm málum. Men so gekk bara ein veg. Føroysku leikararnir byrjaðu at brenna opnar møguleikar, gjørdu yvirtrakk og fleiri tekniskar villur, umframt at tað haltaði í verjuni. Tað gjørdi tað ikki frægari, at Súna Krossteig Hansen varð mansvard.

Í 47. minutti legði Turkaland seg á odda fyri fyrstu ferð í dystinum. Føroyar komu framumaftur við tveimum málum, men tá bert tríggir minuttir restaðu í, tók Turkaland leiðsluna aftur og avgjørdi dystin við trimum málum afturat til endaliga úrlitið 29-25.

Triðji dysturin í bólkaspælinum er móti Kosovo, og hann er hósdagin.

Málskjúttar
Maria Halsdóttir Weihe, 8
Lív S. Poulsen, 5
Eva Barba Arge, 4
Marita Mortensen, 4
Súna Krossteig Hansen, 1
Ingunn Kristina Persson, 1
Sólja Poulsen, 1
Hjørdis Viðstein, 1

Fleiri enn 500 børn og ung tilmeldaði til Faroe Islands Handball Cup í Vági

3. juli 2020

Í august verður hondbóltskappingin Faroe Islands Handball Cup á fyrst sinni í Vági. Og nú tilmeldingarfreistin er farin eru tað meldaði 59 lið til kappingina og tilsamans fleiri enn 500 børn og ung, sum koma til Vágs at kappast í døgunum 3. til 5. august.

Lutakastið til HM-undankappingina hjá kvinnum

29. juni 2020

Mikudagin 8. juli kl. 14.00, verður lutakastið til komandi HM-undankappingina hjá kvinnum.

Online venjara- og dómaraskeið

19. juni 2020

IHF – Altjóða hondbóltssamgongan fer komandi mánaðin at skipa fyri einari røð av stytri online venjara- og dómaraskeiðum. Einhvør kann luttaka og tað einasta sum krevst er eitt gott internetsamband. Les meira um skeiðini og tilmelding her: IHF Live Online Symposium 2020_Programme