Føroyar móti Danmark

Føroyar eru í bólki við Danmark, Montenegro og Ukraina til EM-undankappingina hjá monnum, sum byrjar í heyst.

Lutakast um bólkaspælið var í norska býnum Tróndheim í kvøld.

Dystirnir skulu spælast í oktober í ár og apríl og juni í 2019. Fyrsti heimadystur hjá Føroyum er móti Danmark, síðst í oktober.

Stóra avbjóðingin er, um Føroyar sleppa at spæla á heimavølli ella um heimadystirnir skulu spælast uttanlands. Evropeiska hondbóltssambandið hevur nevnliga boðað frá, at Høllin á Hálsi, ið vanliga hýsir landsdystum, ikki livur upp til altjóða krøv og tí ikki verður góðkend til EM-undankappingina hjá monnum. Meira verður at frætta um støðuna seinni.

Bólkarnir:
Bólkur 1: Týskland, Pólland, Ísrael, Kosovo
Bólkur 2: Kroatia, Serbia, Sveis, Belgia
Bólkur 3: Makedonia, Ísland, Turkaland, Grikkaland
Bólkur 4: Slovenia, Niðurlond, Lettland, Estland
Bólkur 5: Hvítarussland, Kekkia, Bosnia-Hersegovina, Finland
Bólkur 6: Frakland, Portugal, Litava, Rumenia
Bólkur 7: Ungarn, Russland, Slovakia, Italia
Bólkur 8: Danmark, Montenegro, Ukraina, Føroyar

 

Kvinnulandsliðið styrkismett nr. 27 í Evropa

2. desember 2022

Næsta EM-endaspælið hjá kvinnum verður víðka frá 16 til 24 lið, á sama hátt sum EM-endaspælið hjá monnum er.

Bók um Elias

30. november 2022

Elias – ein hondbóltsstjørna, er heitið á nýggjari barnabók, sum Páll Holm Johannesen hevur skrivað.

Europeiskur hondbóltur á Hálsi

28. november 2022

Komandi vikuskiftið skulu H71-kvinnur spæla dystir í European Cup móti DHC Slavia Praha.