Føroyar vunnu greitt á Georgia

Føroysku U19-kvinnurnar skulu spæla um fimta plássið í EM-kappingini í Litava. Tað gjørdist greitt, eftir at Føroyar vunnu sannførandi á Georgia í dag. Úrslitið var 31-21. 

Tað sást frá fyrsta bríksli, at Føroyar vóru eitt sterkari lið enn Georgia. Føroysku leikararnir komu lættliga til skot og eisini stóð føroyska verjan væl. Tá farið varð til hálvleiks, førdu Føroyar við sjey málum.

Miðskeiðis í seinna hálvleiki kom stígur í hjá Føroyum. Nógv skot vórðu misnýtt og nógv bendi á einu løtuna, at føroysku leikararnir ,eins og í dystinum móti Turkalandi, høvdu mist tamarhaldið á støðuni. Frá at hava verið 11 mál á muni, minkaði Georgia um munin niður í fýra mál.

Maria Halsdóttir Weyhe varð sett inn á vøllin og tað vísti seg beinavegin at muna. Við sínum góða skotarmi, fekk hon økt um leiðsluna aftur, og sigurin koma ongantíð aftur í vanda.

Dysturin um fimta plássið er móti Makedonia og er í morgin klokkan 11.00 føroyska tíð. Dysturin kann síggjast á ehftv.com.

Málskjúttar
Maria Halsdóttir Weyhe 8
Hjørdis Viðstein 5
Marita Mortensen 4
Súna Krossteig Hansen 3
Karina Berg Høgnesen 3
Lív Sveinbjørnsdóttir Poulsen 3
Ingunn Kristina Persson 2
Eva Barba Arge 1
Karina Eysturtún Rubeksen 1
Sólja Bárðardóttir Poulsen 1

Nýggir landsliðsvenjarar hjá U06-landsliðnum hjá monnum

22. september 2022

Kristinn Guðmundsson og Mark Lausen-Marcher eru settir í starv sum venjarar hjá U06-landsliðnum hjá monnum. Her er talan um dreingir føddir í 2006 og 2007.

Intersport Night Cup 2022

21. september 2022

Nýtið heystfrítíðina aktivt – VÍF bjóðar aftur í ár øllum hondbóltstáhugaðum at luttaka í  ársins Intersport Night Cup. Kappingin verður fyri U10, U12 og U14 gentur og dreingir.

A-landsliðið hjá monnum úttikið

20. september 2022

Landsliðsvenjararnir, Peter Bredsdorff-Larsen og Lars Porskær Møller, hava úttikið hesar 16 leikarar til EM-undandystirnar móti Ukraina og Eysturríki, sum verða ávikavist 12. og 16. oktober.