Føroyar vunnu sannførandi á Estlandi

U18-landsliðið við monnum vann ein ógvuliga tryggan sigur á Estlandi í morgun í sínum næsta dysti í EM-kappingini í Georgia. Føroyar vunnu 31-21.

Føroyska verjan, sum hevði stórar trupulleikar í dystinum í gjár, vísti seg frá eini væl betri síðu í dag.

Føroyar løgdu seg á odda beinavegin til 5-0 og hildu leiðsluni allan dystin. Tað komu ikki nógv mál í fyrra hálvleiki, hálvleiksstøðan var 10-6 til Føroyar.

Í seinni hálvleiki kom av álvara hol á málskjótingina, og endaliga úrslitið bleiv 31-21.

Málverjin, Pauli Jacobsen, varð valdur til dagsins leikara.

Mánadagin skulu Føroyar spæla móti Makedonia.

Málskjúttar:
Hákun Vest av Teigum, 7
Elias á Skipagøtu, 6
Sakaris Aviano Sakarisson, 6
Pauli Mittún, 4
Heini á Heygum, 3
Dánjal Ragnarsson, 2
Julian Kragesteen, 1
Bogi Hansen, 1
Ivan Mrdalo, 1

Nýggir landsliðsvenjarar hjá U06-landsliðnum hjá monnum

22. september 2022

Kristinn Guðmundsson og Mark Lausen-Marcher eru settir í starv sum venjarar hjá U06-landsliðnum hjá monnum. Her er talan um dreingir føddir í 2006 og 2007.

Intersport Night Cup 2022

21. september 2022

Nýtið heystfrítíðina aktivt – VÍF bjóðar aftur í ár øllum hondbóltstáhugaðum at luttaka í  ársins Intersport Night Cup. Kappingin verður fyri U10, U12 og U14 gentur og dreingir.

A-landsliðið hjá monnum úttikið

20. september 2022

Landsliðsvenjararnir, Peter Bredsdorff-Larsen og Lars Porskær Møller, hava úttikið hesar 16 leikarar til EM-undandystirnar móti Ukraina og Eysturríki, sum verða ávikavist 12. og 16. oktober.