Fráboðan í smb. við korona

Hondbóltssambandið fylgir korona-støðuni neyvt, nú smitta aftur er staðfest í samfelagnum. Vit vilja í fyrstu atløgu heita á feløgini um at steðga allari felags innandura venjing til týsdagin 11. august, tá vit vónandi kenna støðuna betri.

Talið á smittaðum veksur í løtuni, men royndirnar hava víst okkum, at um vit øll hvør í sínum lagi gera okkara fyri at minka um smittuvandan, er skjótt at berja smittuna niður aftur.

Vit vilja samstundis biðja feløgini um at kunna sína íðkarar um, at um tey hava sjúkutekin, skulu tey halda seg frá venjing saman við øðrum og skjótast gjørligt lata seg kanna fyri korona.

Hondbóltssambandið vendir aftur við einari nýggjari fráboðan týsdagin, 11. august.

Team Klaksvík – H71 útsettur

23. september 2020

Dysturin í Burn deildini millum Team Klaksvík og H71, sum skuldi verða í morgin, hósdagin 24. september, er útsettur vegna sóttarhaldið, sum hevur rakt næmingarnar á Glasi. 5 leikarar hjá H71 eru raktir av sóttarhaldinum á Glasi.

Besta mansdeildin eitur nú Burn deildin

12. september 2020

Hondbóltssambandið og SMS-samtakið hava longt samstarvið um bestu mans- og kvinnudeildina fyri kappingarárið 2020–21. Eisini er greitt, at besta mansdeildin skiftir navn og eitur nú Burn deildin. Burn er størsti veitari av venjing í Føroyum og hevur fleiri venjingarmiðstøðir kring landið.

Føroyski ítróttarheimurin kennir seg ótryggan

8. september 2020

Av heimasíðuni hjá ÍSF: Ein ótryggleiki, sum tarnar fría ítróttalívinum, hevur plantað seg í sambondunum undir ÍSF, eftir at tað frættist, at stuðulin til ítróttin lækkar 11 prosent í 2021, um landsstýrið ikki hækkar játtanina. Tað vísa afturmeldingar, sum ÍSF hevur fingið frá sambondunum.