Fráboðan um kappingina

Kunning viðvíkjandi kappingini í SMS og Okkara deildini.

Eftir fráboðanina frá almennu myndugleikunum í dag, har boðað varð frá, at skipast kann fyri kappingum/dystum frá 9. mai at rokna, fer HSF, við støði í samskiftinum, sum hevur verið við feløgini seinastu vikurnar, at gera eina endaliga ætlan fyri, hvussu HSF mælir til, at venjingarnar hjá leikarunum í SMS og Okkara deildunum verða skipaðar ta næstu tíðina, og hvussu SMS og Okkara kappingarnar skulu avgreiðast í samsvar við tey tilmælini, sum almennu myndugleikarnir eru komnir við. Endaliga ætlanin verður send feløgunum skjótast gjørligt.

Vísandi til, at HSF ynskir at fáa høvi at ráðføra seg við serligu Korona-ráðgevingina, áðrenn eitt endaligt tilmæli um, hvussu venjingarnar verða skipaðar, og ein endalig ætlan fyri, hvussu kappingarnar skulu avgreiðast, verður send feløgunum, skulu feløgini ikki vænta at frætta aftur hesum viðvíkjandi fyrr enn aftaná páskir.

HSF fer við hesum at nýta høvi til at ynskja øllum einar gleðiligar páskir.

Linkaðar treytir fyri lesandi leikarar

18. januar 2021

Nú ungdómskappingingarnar og lægri deildirnar í Danmark hava ligið stillar í longri tíð, vegna korona, eru fleiri leikarar, sum eru lesandi í Danmark, komnir heim og hava skift aftur til føroysk feløg.

Nú byrjar Faxe Kondi kappingin

14. januar 2021

Komandi vikuskiftið byrjar Faxe Kondi kappingin av álvara og kemur kappingin at vara heilt til vikuskiftið 20. – 21. februar, sum er stóra finaluvikuskiftið í Høllini á Hálsi.

Seinni landsdysturin eisini útsettur

6. januar 2021

Eftir ætlan skuldu Føroyar og Kekkia spæla seinna EM-undankappingardystin sínamillum komandi  leygardag í Pilzen í Kekkia. Hesin dysturin er nú eisini útsettur.