Fríði brotið hondina

Aftur ein skaði hendi í seinna dystinum hjá Føroyum í HM-undankappingini í Italia. Hesaferð var tað Fríði Weyhe, sum fekk skaða í vinstru hond í dystinum móti Rumenia.

Eg fór í eina takling og mótspælarin læsti armin hjá mær fastan inn at kroppinum hjá sær. Mín fingur bleiv fastur í blusuni hjá honum, tá eg royndi at slíta meg leysan. Eg føldi beinanvegin, at okkurt var galið, greiðir Fríði Weyhe frá.

Kollfirðingurin hevur verið á skaðastovuni í kvøld, har røntgenmyndir vístu, at hann hevur brotið eitt bein í hondini. Fríði fer ikki at spæla hondbólt í fýra vikur.

Í dystinum í gjár móti Ukraina, breyt Helgi Hoydal eitt bein í fótinum og hevur fingið boð um at binda frið í tveir mánaðir.

Hópurin hjá Føroyum, sum var 16 mans, er nú minkaður niður í 14 mans til dystin í annaðkvøld móti Italia.

 

Hesi halda skil á landsliðunum

26. januar 2023

Øll landsliðini hjá HSF hava ein liðleiðara tilknýttan, sum tryggjar at venjingar, kappingar og virksemi kring liðini sum heild gongur smidliga.

Spennandi HM-lutakast

17. januar 2023

Føroysku U21-mennirnir fingu eitt gott og spennandi lutakast til HM-endaspælið. Føroyar komu í bólk D saman við Spania, Japan og Angola.

Stroymið U21 HM lutakastið

17. januar 2023

Í dag kl. 15.00 verður lutakastið til U21 HM-endaspælið hjá monnum, sum verður leikt í Týsklandi og Grikkalandi.