Fyrireikingarnar eru byrjaðar

Um tvær vikur møtir okkara A-manslandslið Kekkia í Høllini á Hálsi, til EM-undankappingardyst. Seinastu tríggjar dagarnar hava teir bæði havt fysiskar testir og vanliga hondbóltsvenjing. Hetta hevur gingið avbera væl, heldur Sonni Larsen, høvðusvenjari.

  • Eitt, ið hevur verið heldur serstakt við venjingunum hesar seinastu dagarnar er, at fleiri av U20-landsliðsleikarunum hava verið við til venjingarnar. Hetta fyri at byrja eina meira natúrliga yvirgongd frá U-landsliði til A-landslið, ið er nakað, ið vit vóna at gera meira av í framtíðini. Hetta kann eitt nú vera ein stórur fyrimunur, um man skuldi verið so óheldigur at verði raktur av skaðum til dystirnar í januar, sigur Sonni Larsen.

Hetta hevur eisini verið ein fyrimunur, nú fleiri av lyklaleikarunum hava mangla orsaka av sóttarhaldi. Sóttarhald og forsamlingsavmarkingar hava eisini havt stóra ávirkan hjá flestu leikarunum, ið spæla í útlondum.

  • Koronastøðan kann sigast at hava broytt útgangsstøðið eitt sindur. Tað hevur sjálvsagt stóra ávirkan, tá lyklaleikarar ikki fáa verið við til nakað av fyrireikingunum. Sóttarhald og forsamlingsavmarkingar hava órógvað hondbóltin nógv hetta seinasta kappingarárið, sigur Leivur Mortensen, ið er ein av leikarunum í bruttohópinum, sum venur saman.
  • Vit fara at møta einum topptunaðum kekkisum liði, ið kanska ikki hevur havt líka stórar avmarkingar, sum vit hava havt. Hetta í mun til sóttarhald og tílíkt. Vit hava onkrar leikarar, ið ikki hava spælt dystir ella vant við sínum fasta liðið í tveir mánaðar, sigur Sonni Larsen, ið leggur aftrat, at hann hóast umstøðurnar er optimistiskur um avbjóðingina, ið er fyri framman.

Hóast avbjóðingarnar heldur Leivur Mortensen, at Føroyar hava møguleikan at vinna stig.

  • Tað er eingin loyna, at tað liggur ein stór og torfør uppgáva fyri framman. Kekkia er ein stór hondbóltstjóð, sum helst eisini er besta lið í bólkinum. Tá tað er sagt,  so spæla Føroyar sjálvandi at royna at vinna stig. Kanska helst á heimavøllinum.

A-landsliðið hjá monnum spæla tveir EM-undarkappingar dystir móti Kekkia. Fyrri dysturin verður leiktur 6. januar í Høllini á Hálsi, meðan seinni dysturin verður leiktur 9. januar í Pilzen í Kekkia.

Linkaðar treytir fyri lesandi leikarar

18. januar 2021

Nú ungdómskappingingarnar og lægri deildirnar í Danmark hava ligið stillar í longri tíð, vegna korona, eru fleiri leikarar, sum eru lesandi í Danmark, komnir heim og hava skift aftur til føroysk feløg.

Nú byrjar Faxe Kondi kappingin

14. januar 2021

Komandi vikuskiftið byrjar Faxe Kondi kappingin av álvara og kemur kappingin at vara heilt til vikuskiftið 20. – 21. februar, sum er stóra finaluvikuskiftið í Høllini á Hálsi.

Seinni landsdysturin eisini útsettur

6. januar 2021

Eftir ætlan skuldu Føroyar og Kekkia spæla seinna EM-undankappingardystin sínamillum komandi  leygardag í Pilzen í Kekkia. Hesin dysturin er nú eisini útsettur.