Greiður sigur í venjingardysti

A-landsliðið hjá monnum vann venjingardystin í kvøld móti HØJ, ið spælir í næstbestu donsku deildini. Úrslitið gjørdist 31-20 til Føroyar.

Føroyska verjan stóð sum ein brandur, ið gav fleiri skjótálop, bæði í fyrstu- og aðru bylgju. Hinuvegin haltaði í álopsspælinum. Tað sást, at allir spælararnir ikki kenna hvønn annan nóg væl enn.

Manslandsliðið fór til Danmarkar sunnudagin og í morgin gongur leiðin víðari til Italia, har tríggir HM-undankappingardystir bíða.

Føroyar spæla ímóti Ukraina hósdagin, Rumenia fríggjadagin og Italia leygardagin.

Føroyar eru í bólki 3 í undankappingini. Tað eru samanlagt seks bólkar. Teir seks bólkavinnararnir fara víðari til “play off “dystir um at koma til sjálvt HM-endaspælið.

Dystirnir hjá Føroyum verða allir stroymdir. Leinkja til dystirnar verður løgd út á Facebook-síðuna hjá HSF.

 

FM1-avtalan heldur fram

17. september 2019

HSF og FM1 hava longt avtaluna um miðling og útvarping av hondbóltsdystum í lands- og steypakappingini, umframt landsdystum. Hetta er triðja árið HSF og FM1 samstarva um hondbóltsmiðling.

HSF og P/F SMS leingja samstarvið

15. september 2019

Hondbóltssambandið og P/F SMS hava longt samstarvið um bestu mans- og kvinnudeildina í hondbólti, nevndar ávikavist Okkara- og SMS-deildin. Avtalan er galdandi fyri kappingarárið 2019-20.

Væleydnað dómaraskeið

12. september 2019

Seinasta vikuskiftið skipaði HSF fyri A– og B-dómaraskeiðum saman við roynda IHF dómaravegleiðaranum, Jørn Møller Nielsen.