H71 aftur í eldin komandi vikuskiftið

Komandi leygar- og sunnudag, 20. og 21. novembur verður annað umfar hjá hoyvíkskvinnum í European Cup spælt.

Dystirnir hesaferð verða spældir í Hoyvíkshøllini ímóti sveisiska liðinum, Spono Eagles. Báðir dystirnir byrja kl. 18.00.

Spono Eagles hava hagartil vunnið báðir dystirnir, júst sum H71. Tær spældu sínar fyrstu dystir ímóti KHF Vushtrria, sum eru úr Kosovo. Spono Eagles vunnu báðir dystirnir sanførandi 41-6 og 42-14, tilsamans 83-20.

Spono Eagles er stovnað í 1971, eins og H71, og hava vunnið sveisiska meistaraheitið 5 ferðir, steypakappingina 5 ferðir og sveisisku supercup kappingina 4 ferðir. Tær klára seg eisini væl í landskappingini í ár og liggja nummar trý.

Atgongumerki til sølu

31. januar 2023

Kl. 12.00 í dag koma atgongumerki til komandi steypafinalurnar og manslandsdystir til sølu. Atgongumerkini fáast til keyps á atgongumerki.fo.

Hesi halda skil á landsliðunum

26. januar 2023

Øll landsliðini hjá HSF hava ein liðleiðara tilknýttan, sum tryggjar at venjingar, kappingar og virksemi kring liðini sum heild gongur smidliga.

Spennandi HM-lutakast

17. januar 2023

Føroysku U21-mennirnir fingu eitt gott og spennandi lutakast til HM-endaspælið. Føroyar komu í bólk D saman við Spania, Japan og Angola.