H71 úti úr European Cup

Hóast eitt megnaravrik yvir tveir dystir móti sponsku Atletico Guardés, so rakk tað ikki til víðari luttøku og eru H71-kvinnur úti úr European Cup.

Um vikuskiftið hevur H71 spælt áttandapartsfinalur móti Atlético Gaurdes í Spania, og báðir dystirnir vóru leiktir í A Guarda, sum liggur við vesturstrondina í Spania.

Í fyrra dystinum var Atletico Guardes á odda við níggju málum eina løtu í seinna hálvleiki, men við góðum endaspurti frá hoyvíkskvinnum var lív framvegis í European Cup-uppgerðini. Fyrri dysturin endaði 34-31 til spanska liðið eftir 17-12 í hálvleikinum.

Avrikið hjá hoyvíkskvinnum var betri í seinna dystinum og var munurin ongantíð stórur. Í fleiri umførum var H71 á odda. Móti endanum kom tó fjáltur á hoyvíkskvinnur, og tað eydnaðist ikki at fáa bóltarnar inn. Tað endaði við at Atlético Guardes tryggjaði sær víðari luttóku í European Cup og vann við tveimum málum, 28-26.

Hetta er annað árið á rað, at H71-kvinnur eru í áttandapartsfinalunum í European Cup.

Hesi halda skil á landsliðunum

26. januar 2023

Øll landsliðini hjá HSF hava ein liðleiðara tilknýttan, sum tryggjar at venjingar, kappingar og virksemi kring liðini sum heild gongur smidliga.

Spennandi HM-lutakast

17. januar 2023

Føroysku U21-mennirnir fingu eitt gott og spennandi lutakast til HM-endaspælið. Føroyar komu í bólk D saman við Spania, Japan og Angola.

Stroymið U21 HM lutakastið

17. januar 2023

Í dag kl. 15.00 verður lutakastið til U21 HM-endaspælið hjá monnum, sum verður leikt í Týsklandi og Grikkalandi.