HM-kapping fyri U20 í Føroyum

U20-landsliðið hjá kvinnum fær í næstu viku vitjan av Turkalandi og Slovenia. Talan er um HM-undankapping.

Síðst, tá HSF skipaði fyri líknandi kapping, var tá gylta U21-landsliðið við monnum spældi seg víðari til HM-endaspælið. HM-undankappingin hjá U20-kvinnum er skipað á sama hátt, at tann, ið vinnur bólkin, vinnur sær beinleiðs pláss í HM-endaspælinum, sum verður í Ungarn í juni.

Á U20-landsliðnum eru fleiri lyklaleikarar í bestu føroysku deildini, millum annað Súna K. Hansen og Marianna G. Eystberg úr Kyndli, Tóra Eliasen úr Stjørnuni og Maria H. Weyhe úr H71. Somuleiðis er Siw Matras við, sum spælir í næstbestu donsku deildini.

Um U20-kvinnurnar hava møguleika at fáa eitt eins gott úrslit sum U21-menninir í fjør, er ilt at siga, men spælararnir eru væl fyri,  heldur Hallur Danielsen frá HSF.

– Vit hava eitt gott U20-landslið við kvinnum. Tær hava fyrireikað seg væl, og er eydnan við okkum, kunnu vit vænta tveir javnar og spennandi dystir, sigur Hallur Danielsen.

Tær, ið eru úttiknar til U20-landsliðið eru:

Málverjar
Vár Højgaard Thomsen, H71
Annika Fríðheim Petersen, H71
Margit Weihe Fríðmundsdóttir, Neistin

Útileikarar
Sonja Lava Sirdal, Stjørnan
Tóra Eliasen, Stjørnan
Jansy Højbro Jacobsen, Stjørnan
Anna á Steig, H71
Maria Hallsdóttir Weyhe, H71
Durita Toftum Joensen, H71
Drós Ragnarsdóttir, Neistin
Fríða á Dunga, Neistin
Súna Krossteig Hansen, Kyndil
Marianna Geirsdóttir Eystberg, Kyndil
Beinta Bárðardóttir, Kyndil
Magna Tórðardóttir, Team Stenhus
Siw Matras Larsen, TMS Ringsted

Høvuðsvenjari er Per Klarup og hjálparvenjari er Christoffur Gert Nielsen.

Dystarskrá, Hoyvíkshøllin:
Fríggjadag 23. mars, kl. 19.00, Føroyar – Slovenia
Leygardag 24. mars, kl. 19.00, Slovenia – Turkaland
Sunnudag 25. mars, kl. 19.00, Turkaland – Føroyar

 

 

Fleiri enn 500 børn og ung tilmeldaði til Faroe Islands Handball Cup í Vági

3. juli 2020

Í august verður hondbóltskappingin Faroe Islands Handball Cup á fyrst sinni í Vági. Og nú tilmeldingarfreistin er farin eru tað meldaði 59 lið til kappingina og tilsamans fleiri enn 500 børn og ung, sum koma til Vágs at kappast í døgunum 3. til 5. august.

Lutakastið til HM-undankappingina hjá kvinnum

29. juni 2020

Mikudagin 8. juli kl. 14.00, verður lutakastið til komandi HM-undankappingina hjá kvinnum.

Online venjara- og dómaraskeið

19. juni 2020

IHF – Altjóða hondbóltssamgongan fer komandi mánaðin at skipa fyri einari røð av stytri online venjara- og dómaraskeiðum. Einhvør kann luttaka og tað einasta sum krevst er eitt gott internetsamband. Les meira um skeiðini og tilmelding her: IHF Live Online Symposium 2020_Programme