HSF og Magn hava longt sáttmálan

HSF og Magn, sum hevur verið ein av trúgvu stórstuðlunum hjá HSF seinastu árini, hava longt samstarvssáttmálan í tvey ár.

Magn er ein av stuðlunum, sum hevur verið við frá byrjan, tá HSF fór at seta sær hægri ítróttarlig mál og hevur Magn serliga verið sjónskt í ungdómsarbeiðinum hjá HSF, har teir m.a. hava stuðlað leikaramenningini hjá HSF.

– Tað er serliga ungdómsarbeiðið í hondbóltinum, sum vit hava hildið verið áhugavert og hava vit longu sæð fleiri framúr góð úrstlit og verður tað spennandi at fylgja leikarunum nú teir vaksa til, sigur Áki Vang Poulsen, marknaðarstjóri hjá Magn.

Gunn Ellefsen, forkvinna í HSF, fegnast um sáttmálan. – Tað er sera týdningarmikið við góðum stuðlum og serliga yvir longri tíðarskeið, har møguleikin veruliga er at uppbyggja góð samstørv. Hetta hava vit saman við Magn.

Team Klaksvík – H71 útsettur

23. september 2020

Dysturin í Burn deildini millum Team Klaksvík og H71, sum skuldi verða í morgin, hósdagin 24. september, er útsettur vegna sóttarhaldið, sum hevur rakt næmingarnar á Glasi. 5 leikarar hjá H71 eru raktir av sóttarhaldinum á Glasi.

Besta mansdeildin eitur nú Burn deildin

12. september 2020

Hondbóltssambandið og SMS-samtakið hava longt samstarvið um bestu mans- og kvinnudeildina fyri kappingarárið 2020–21. Eisini er greitt, at besta mansdeildin skiftir navn og eitur nú Burn deildin. Burn er størsti veitari av venjing í Føroyum og hevur fleiri venjingarmiðstøðir kring landið.

Føroyski ítróttarheimurin kennir seg ótryggan

8. september 2020

Av heimasíðuni hjá ÍSF: Ein ótryggleiki, sum tarnar fría ítróttalívinum, hevur plantað seg í sambondunum undir ÍSF, eftir at tað frættist, at stuðulin til ítróttin lækkar 11 prosent í 2021, um landsstýrið ikki hækkar játtanina. Tað vísa afturmeldingar, sum ÍSF hevur fingið frá sambondunum.