HSF og Smyril Line leingja samstarvið

Hondbóltssambandið og Smyril Line hava longt sponsoravtaluna í tvey ár afturat. Gunn Ellefsen, forkvinna í HSF, og Henny á Líknargøtu, sølu- og marknaðarstjóri í Smyril Line vóru í gjár saman og undirskrivaðu sáttmálan.

Vit fara nú undir fimta árið saman við Smyril Line, har tey hava verið ein av sjónligu stórstuðlunum hjá HSF. Smyril Line hevur sostatt verið ein av grundarsteinunum undir tí uppbygging, sum hevur verið í HSF og hava tey sostatt verið við til at fáa landsliðsarbeiðið í eina trygga legu, sigur Gunn Ellefsen.

Tað er stuttligt at síggja góðu úrslitini, sum hondbólturin hevur fingið seinastu árini, og vit gleða okkum eisini til at verða ein enn størri viðspælari og síggja møguleikar saman við hondbóltinum, nú vit vaksa um okkara hotelvinnu, sigur Henny á Líknargøtu.

Nýggja samstarvsavtalan er galdandi fyri 2020 og 2021.

Nýggir landsliðsvenjarar hjá U06-landsliðnum hjá monnum

22. september 2022

Kristinn Guðmundsson og Mark Lausen-Marcher eru settir í starv sum venjarar hjá U06-landsliðnum hjá monnum. Her er talan um dreingir føddir í 2006 og 2007.

Intersport Night Cup 2022

21. september 2022

Nýtið heystfrítíðina aktivt – VÍF bjóðar aftur í ár øllum hondbóltstáhugaðum at luttaka í  ársins Intersport Night Cup. Kappingin verður fyri U10, U12 og U14 gentur og dreingir.

A-landsliðið hjá monnum úttikið

20. september 2022

Landsliðsvenjararnir, Peter Bredsdorff-Larsen og Lars Porskær Møller, hava úttikið hesar 16 leikarar til EM-undandystirnar móti Ukraina og Eysturríki, sum verða ávikavist 12. og 16. oktober.