Ítróttasálarfrøði á breddan

Ítróttasamband Føroya hevur sett ítróttasálarfrøði á skrá og skipar í næstum fyri trimum tiltøkum um evnið.

Millum annað verður komið inná, hvat ítróttasálarfrøði merkir og hvussu vit kunnu menna ítróttina við at hava fokus á sinnið og á onnur viðurskifti í okkum og kring okkum. Tað er Rigmor Napoleonsdóttir Arge, ið er fyrilestrarhaldari.

Rigmor Napoleonsdóttir Arge er útbúgvin sálarfrøðingur og ítróttalærari. Hon hevur innan sálarfrøðisyrkisyrki veitt viðgerð, vegleitt og ráðgivið einstaklingum, bólkum/liðum innan breiddar- og úrvalsítrótt. Eisini hevur hon egnar royndir innan ítróttin, bæði sum íðkari, venjari, avvarðandi, nevndarlimur í ítróttafelagi og sersambandi, skrivar ÍSF á síni heimasíðu.

Fyrsti fyrilesturin í røðini verður í ÍSF húsinum í Gundadali í dag frá klokkan 17.00 til 18.30.

Hinir verða í:

  • Runavík, við Løkin 6. mars kl 17.00-18.30
  • Suðuroy, dagfesting verður lýst seinni

Einar og Magni skulu venja U04 kvinnur

21. august 2019

HSF hevur gjørt eina tvey ára avtalu við Einar Jónsson, um at gerast landsliðsvenjari fyri U04 kvinnur. Magni Thomsen verður hjálparvenjari.

U17-kvinnur: Tryggjaðu fimta plássið

11. august 2019

Føroysku U17-kvinnurnar tryggjaðu sær í morgin 5. plássið í EM-kappingini í Tbilisi í Georgia. Føroyar vunnu ein greiðan 30-16 sigur á vertstjóðini, eftir 18-8 í hálvleikinum.

U17-kvinnur: Greiður sigur á Finnlandi

10. august 2019

Føroyar vann í morgun ein greiðan sigur á Finnlandi í kappingini um 5. plássið í EM-kappingini í Tbilisi, Georgia. Fyri at tryggja plássið skal Føroyar vinna móti Georgia í morgin. Úrslitið var 33-22 til Føroyar eftir 19-11 í hálvleikinum.