Javnleikur í seinna dystinum

Tað endaði 21-21, tá A-landsliðið við kvinnum spældi sín seinna venjingardyst móti Íslandi.

Føroyar vunnu trygt við átta málum á Íslandi í gjár, men í dag gekk meira javnt á.

Føroyska verjuspælið var gott og málverjin, Viviann Petersen, stóð sera væl, men tað haltaði við neyvleika í álopinum.

Kvinnulandsliðið hevur verið á venjingarlegu í Íslandi sum liður í fyrireikingunum til HM-undankappingina, sum er í Zürich í Sveis næsta vikuskiftið. Føroyar eru í bólki við Litava, Finnlandi og Sveis.

Føroyski landsliðshópurin fer aftur til Føroya í morgin, men steðgurin verður stuttur á klettunum. Hósdagin gongur leiðin til Sveis.

Málskjúttar
Durita Christophersen 6, Maria Halsdóttir Weyhe 6, Tóra Eliasen 2, Turið Arge 2, Pernille Brandenburg 2, Ninna Johansen 2, Kristianna Henneberg Joensen 1.

 

HSF longt við U04-venjarar

23. november 2022

HSF hevur longt sáttmálarnar við verandi venjarar hjá U04-manslandsliðnum, Hjalta Mohr Jacobsen og Djóna Gaard Joensen.

Stjóri settur í HSF

17. november 2022

Hans Jón Thomsen er settur sum stjóri í Hondbóltssambandi Føroya. Talan er um eitt nýtt starv, sum í sambandi við økta virksemi skal styrkja um umsiting og leiðslu í sambandinum.

Leikaramenning 2022-23

15. november 2022

Seinastu tvey vikuskiftini hava 250 gentur og dreingir verið til leikaramenngin hjá HSF. Talan eru um leikarar føddir í 2008, 2009 og 2010. Samlingarnar hava verið í Havn og Klaksvík.