Um Okkara kappingina

Landskappingin í fremstu mansdeildini eitur Okkara kappingin. Kappingin eru skipað soleiðis, at trý umfør verða leikt. Liðið ovast á stigatalvuni eftir trý umfør er deildarmeistari og vinnur steyp. Eftir trý umfør verður kappingin deild í tvey. Fýra tey ovastu liðini spæla um FM, meðan trý tey niðastu spæla um steyp og vinning. Liðini í niðara bólki leika tvær ferðir ímóti hvørjum øðrum, heima- og útidyst.

Í endaspælinum skal vinnari skal finnast í hvørjum dysti. Er javnleikur eftir vanliga leiktíð, skal dysturin avgerðast við longdari leiktíð á tvær ferðir fimm minuttir. Er dysturin hareftir ikki avgjørdur, skal brotskastkapping avgera dystin, har liðini skjóta fimm brotskøst hvør. Stendur hareftir á jøvnum, verða at skjóta eitt brotskast hvør, til dysturin er avgjørdur.

Deildarmeistarin velur hvørt av liðunum nr. 2, 3 ella 4, hann vil møta í hálvfinalunum. Ovara liðið á stigatalvuni velur hvar fyrsti dystur verður leiktur, á úti- ella heimavølli. Ovara liðið hevur eisini rætt til møguliga triðja dystin á heimavølli. Fyri at vinna sær finalupláss, skulu tvær hálvfinalur vinnast.

Tapandi liðini í hálvfinalunum leika ein dyst um triðja pláss. Liðið, sum endar ovari í landskappingini eftir trý umfør hevur heimavøll.

Leikt verður best av 5 finalum. Sostatt skulu tríggjar vinnast fyri at vinna FM.

Liðið, sum endaði ovari, í landskappingini eftir trý umfør, velur hvar fyrsti dystur skal leikast og hevur rætt til heimavøll í møguligum fimta dysti.

FM-finalurnar kappingarárið 2018/19 verður leikt í tíðarskeiðnum  20 mars – 27. apríl.

Tak niður: Reglugerð fyri landskappingina hjá fremstu deild hjá monnum (1)