Kjartan til nýtt felag

Kjartan Johansen fer komandi kappingarár at spæla fyri norska felagið Viking. Viking, sum er úr Stavanger, er júst flutt upp í næstbestu deildina.

– Viking vísti mær sera stóran áhuga, og tað var høvuðsorsøkin til, at eg tók av, sigur vinstrahandaði høgribakkurin.

Kjartan flutti til Noregs í fjør. Hann hevur spælt við ligaliðnum hjá Fyllingen úr Bergen, sum endaði nummar seks í røðini av tólv liðum. Tað gekk væl hjá strandinginum, men hann valdi sjálvur at enda samstarvið, tí felagið kundi ikki bjóða honum eina rímiliga avtalu.

– Eg eri kortini fegin um tíðina í Fyllingen, tí eg havi ment meg sum hondbóltsspælara. Nú gleði eg meg at spæla fyri Viking, og vónandi kann eg gera mun og mennast enn meira, sigur hann.

Sum skilst er Viking eisini í samráðingum við ein annan føroyskan spælara.

Landskappingin í Norra byrjar miðjan september.

Nú byrjar Faxe Kondi kappingin

18. januar 2022

Komandi 5 vikurnar fara menn og kvinnur at kappast í Faxe Kondi steypakappingini. Byrjað verður í kvøld í Klaksvík við dysti millum Team Klaksvík og Neistan.

Vunnu HM-undankappingarbólkin

17. januar 2022

Føroyar er víðari í HM-undankappingini hjá monnum eftir ein tryggan 26-19 sigur á Lettlandi.

Sigur á Italia eftir drama á Hálsi

16. januar 2022

Føroyar eru við í kappingini um víðari luttøku í HM-undankappingini eftir ein sera dramatiskan eitt-málssigur á Italia, 27-26.