Kvinnulandsdystur á Hálsi 10. oktober

Talan verður um vitjan av ovastu hondbóltsrók, tá kvinnulandsliðini hjá Føroyum og Danmark bresta saman.

Sunnudagin 10. oktober spælir føroyska A-landsliðið við kvinnum undankappingardyst til EURO2022 móti Danmark á Hálsi, kl. 16.15. Í somu viku, mikudagin 6. oktober møtir føroyska liðið Rumenia í Mioveni í Rumenia. Danska liðið er úttikið og sæst úttøkan her:
Kvindelandsholdets trup til EM-kvalifikationskampe mod Østrig og Færøerne | Håndbold.dk (dhf.dk)

Talan verður um harða mótstøðu, tí bæði Danmark og Rumenia kappast vanliga bæði í topp 10 til bæði HM og EM. Føroyar vóru eisini í bólki saman við Rumenia til seinastu EM-undankapping. Tá spældu Føroyar ein fínan dyst á Hálsi móti Rumenia, sum endaði 25-20 til gestirnar, eftir at Føroyar vóru á odda 12-11 í hálvleikinum. EM-undankappingina var eftirfylgjandi avlýst vegna korona.

Vónandi verða nógvir áskoðarar at síggja á Hálsi til heimadystin, atgongumerki verða seld við dyrnar.

Nýggir landsliðsvenjarar hjá U06-landsliðnum hjá monnum

22. september 2022

Kristinn Guðmundsson og Mark Lausen-Marcher eru settir í starv sum venjarar hjá U06-landsliðnum hjá monnum. Her er talan um dreingir føddir í 2006 og 2007.

Intersport Night Cup 2022

21. september 2022

Nýtið heystfrítíðina aktivt – VÍF bjóðar aftur í ár øllum hondbóltstáhugaðum at luttaka í  ársins Intersport Night Cup. Kappingin verður fyri U10, U12 og U14 gentur og dreingir.

A-landsliðið hjá monnum úttikið

20. september 2022

Landsliðsvenjararnir, Peter Bredsdorff-Larsen og Lars Porskær Møller, hava úttikið hesar 16 leikarar til EM-undandystirnar móti Ukraina og Eysturríki, sum verða ávikavist 12. og 16. oktober.