Kvinnulandsliðið móti úrvalsliði

A-landsliðið við kvinnum skal spæla tveir venjingardystir um vikuskiftið – í dag móti U17-landsliðnum við monnum, og í morgin móti einum úrvalsliði, ið er mannað við m.a. Agnas Olsen, Liljuni Djurhuus, Jovanu Stranjanac og Onnu Brimnes og øðrum profilum í føroyskum hondbólti. Ingi Olsen stendur fyri liðinum.

Kvinnulandsliðið hevur havt landsliðssavning alla vikuna, har tær millum annað hava gjørt ymsar styrki- og kropsroyndir, umframt at havt vanliga hondbóltsvenjing.

Dysturin móti U17-manslandsliðnum er í dag kl. 17.00 í Hoyvíkshøllini og dysturin móti úrvalsliðnum er í morgin, leygardag kl. 17.10, somuleiðis í Hoyvíkshøllini.

Fleiri enn 500 børn og ung tilmeldaði til Faroe Islands Handball Cup í Vági

3. juli 2020

Í august verður hondbóltskappingin Faroe Islands Handball Cup á fyrst sinni í Vági. Og nú tilmeldingarfreistin er farin eru tað meldaði 59 lið til kappingina og tilsamans fleiri enn 500 børn og ung, sum koma til Vágs at kappast í døgunum 3. til 5. august.

Lutakastið til HM-undankappingina hjá kvinnum

29. juni 2020

Mikudagin 8. juli kl. 14.00, verður lutakastið til komandi HM-undankappingina hjá kvinnum.

Online venjara- og dómaraskeið

19. juni 2020

IHF – Altjóða hondbóltssamgongan fer komandi mánaðin at skipa fyri einari røð av stytri online venjara- og dómaraskeiðum. Einhvør kann luttaka og tað einasta sum krevst er eitt gott internetsamband. Les meira um skeiðini og tilmelding her: IHF Live Online Symposium 2020_Programme