Kvinnulandsliðið vann venjingardystirnar

A-landsliðið við kvinnum er á venjingarlegu í Aarhus í hesum døgum, har tær millum annað hava spælt tveir venjingardystir. 

Tað hevur gingið avbera væl. Fríggjadagin spældu Føroyar móti ligaliðnum hjá Søderjyske og vunnu 31-25. Leygardagin varð spælt móti Aarhus, og eisini tann dystin vunnu Føroyar. Úrslitið var 32-28.

Umframt dystir, hava styrki- og hondbóltsvenjingar verið á skránni.

Venjingarlegan er liður í fyrireikingunum fram móti EM-undankapping, ið byrjar í heyst, og landsliðsvenjarin er væl nøgdur við úrtøkuna.

– Vit eru í holt við at byggja víðari uppá arbeiðið, sum byrjað varð við farna heyst, tá ið eg tók við starvinum. Eg síggi stóra framgongd, sigur Ágúst Jóhannson, landsliðsvenjari.

Kvinnulandsliðið er mannað við royndum- og ungum og minni royndum leikarum, og aldurspennið er vítt. Yngsti leikari er 16 ár, meðan elsti leikari er 33 ár.

Heili seks nýggir leikarar hava verið við A-landsliðnum á fyrsta sinni á hesi venjingarlegu. Tær eru Guðrið á Borg, Marita Mortensen, Ingunn Kristina Persson, Lív S. Poulsen, Annika Fríðheim Petersen og Rakul Wardum.

Føroyar skulu spæla móti Póllandi og Rumenia í september.

Landsliðshópurin fer hvør til sítt aftur í morgin.

Føroyar víðari til EM-undankappingina

7. juni 2021

Føroyska kvinnulandsliðið vann avgerandi dystin móti Ísrael 29-25 og er harvið komið víðari til EM-undankappingina.

Finnland – Ísrael 28-24

5. juni 2021

Einki er avgjørt undan dystinum í morgin millum kvinnulandsliðini hjá Føroyum og Ísrael.

Stroymið Ísrael – Finnland

5. juni 2021

Í dag verður annar dysturin í undan-bólkaspælinum til EM-undankappingina hjá kvinnum. Dysturin er millum Ísrael og Finnland og byrjar kl. 18.00.