Kyndil og H71 vunnu Lionsbikarið 2019

Árligu stórsteypadystirnir í hondbólti, har tey bestu farna kappingarár kappast um Lionsbikarið, vórðu spældir í Hoyvíkshøllini í dag.

Hjá kvinnum hittust Kyndil og VÍF, ið vóru tey bæði liðini, sum síðsta kappingarár spældu bæði finalu í steypakappingini og um føroyameistaraheitið. Í báðum førum vann Kyndil. Tað eydnaðist heldur ikk víf-kvinnum at basa kyndilskvinnunum í dag, sum vunnu dystin 33-30. Talan var um dyst, sum var hamupliga væl leiktur og við góðari ferð. Liðini fylgdust fyrru helvt av fyrra hálvleiki, men fóru kyndilskvinnur síðani frá og vóru á odda 16-11 í hálvleikinum. VÍF royndi at svara aftur í seinna hálvleiki, men koma ongantíð nærri enn trý mál.

Hjá monnum hittust føroyameistararnir úr H71 og steypavinnararnir úr Neistanum. Hoyvíkingar vunnu ein tryggan sigur, 30-21. Liðini fylgdust nøkunlunda í fyrra hálvleiki, men vóru H71 fyri tað mesta omaná. Hálvleiksstøðan var 13-11 til H71. Í seinni hálvleiki dróg H71 skjótt frá og gjørdist munurin stórur til endans.

Kyndil – VÍF 33-30 (16-11)
Málskjúttar:
Kyndil – Turið Arge Samuelsen 12, Bára K. Hansen 8, Súna K. Hansen 5, Anja Eliasen 2, Beinta L. Hansen 2, Jovana Stranjanac 1,  Ásleyg Súnadóttir 1, Natasja Hammer 1, K. Midjord 1

VÍF – Liljan Müller 10, Durita C. Jojic 7, Agnas Olsen 4, Lise Marie Evensen 3, Lív Ingdórsdóttir 2, Randi Virgarsdóttir 1, Ingibjørg Olsen 1, Ró Nielsen 1

H71 – Neistin 31-21 (13-11)
Málskjúttar:
H71 – Elias Ellefsen á Skipagøtu 9, Vilhelm Poulsen 6, Pauli Mittún 4, Peter Krogh 4, Leivur Mortensen 4, Rúni V. Højgaard 2, Pætur Mikkjalson 1, Ári E. Dam 1

Neistin – Tóndur Kragesteen 7, Dánjal Ragnarsson 4, Rasmus Søby 4, Julian Kragesteen 3, Johannes Bjørgvin 2, Karl Martin Olsen 1, Kristjan Dulavík 1

Fleiri enn 500 børn og ung tilmeldaði til Faroe Islands Handball Cup í Vági

3. juli 2020

Í august verður hondbóltskappingin Faroe Islands Handball Cup á fyrst sinni í Vági. Og nú tilmeldingarfreistin er farin eru tað meldaði 59 lið til kappingina og tilsamans fleiri enn 500 børn og ung, sum koma til Vágs at kappast í døgunum 3. til 5. august.

Lutakastið til HM-undankappingina hjá kvinnum

29. juni 2020

Mikudagin 8. juli kl. 14.00, verður lutakastið til komandi HM-undankappingina hjá kvinnum.

Online venjara- og dómaraskeið

19. juni 2020

IHF – Altjóða hondbóltssamgongan fer komandi mánaðin at skipa fyri einari røð av stytri online venjara- og dómaraskeiðum. Einhvør kann luttaka og tað einasta sum krevst er eitt gott internetsamband. Les meira um skeiðini og tilmelding her: IHF Live Online Symposium 2020_Programme