Kyndil og H71 vunnu Lionssteypini

Árligu stórsteypadystirnir í hondbólti, har tey bestu farna kappingarár kappast um Lionsbikarið, vórðu spældir í Høllini á Hálsi í gjár.

Hjá kvinnum hittust Kyndil og H71, H71 sum steypavinnari og Kyndil sum deildarmeistari. Kyndil vann ein sera spennandi dyst, úrslitið gjørdist 28-26, eftir longda leiktíð. Tað var fyri tað mesta Kyndil, sum var omaná í dystinum, men hálaði H71 inn í seinna hálvleiki og javnaði í seinastu løtu til 24-24, hálvleiksstøðan var 14-11 til Kyndil.

Hjá monnum hittust steypavinnarnir og deildarmeistararnir úr H71, VÍF luttók við at vera nr. 2 í landskappingini. Dysturin gjørdist sera spennandi og var til tíðir væl leiktur. Hoyvíkingar vunnu tepurt, 23-22. Liðini áttu hvør sína helvt av fyrra hálvleiki. H71 byrjaði væl, men fekk VÍF síðani tak á dystirnum og fóru til hálvleiks frammanfyri 10-9. Í seinni hálvleiki gekk javnt á og var sera tætt og spennandi seinastu minuttirnar.

Kyndil – H71 28-26, eftir longda leiktíð (24-24) (14-11)
Málskjúttar:
Kyndil – Natasja Hammer 10, Súna K. Hansen 10, Bjarto O. Johansen 3, Beinta Bárðardóttir 2, Bára K. Hansen 2, Anja Eliasen 1

H71 – Maria H. Weyhe 10, Sunniva Bogadóttir 5, Marita Mortensen 4, Eva Barba Arge 3, Elisabeth H. Simonsen 2, Jana Mittún 1, Lív B. Zachariassen 1

H71 – Neistin 23-22 (9-10)
Málskjúttar:
H71 – Rói Ellefsen á Skipagøtu 7, Peter Krogh 6, Pætur Thomsen 3, Bogi Gaard Davidsen 3, Sveinur Olaf sson 2, Niklas H. Hanussarson 2

VÍF – Filip Jojic 8, Heini á Heygum 6, Hanus Christophersen 2, Andrias Eriksen 2, Jákup Andrias Joensen 1, Sjúrður Olsen 1, Magnus Müller 1, Julian Olsen 1

Team Klaksvík – H71 útsettur

23. september 2020

Dysturin í Burn deildini millum Team Klaksvík og H71, sum skuldi verða í morgin, hósdagin 24. september, er útsettur vegna sóttarhaldið, sum hevur rakt næmingarnar á Glasi. 5 leikarar hjá H71 eru raktir av sóttarhaldinum á Glasi.

Besta mansdeildin eitur nú Burn deildin

12. september 2020

Hondbóltssambandið og SMS-samtakið hava longt samstarvið um bestu mans- og kvinnudeildina fyri kappingarárið 2020–21. Eisini er greitt, at besta mansdeildin skiftir navn og eitur nú Burn deildin. Burn er størsti veitari av venjing í Føroyum og hevur fleiri venjingarmiðstøðir kring landið.

Føroyski ítróttarheimurin kennir seg ótryggan

8. september 2020

Av heimasíðuni hjá ÍSF: Ein ótryggleiki, sum tarnar fría ítróttalívinum, hevur plantað seg í sambondunum undir ÍSF, eftir at tað frættist, at stuðulin til ítróttin lækkar 11 prosent í 2021, um landsstýrið ikki hækkar játtanina. Tað vísa afturmeldingar, sum ÍSF hevur fingið frá sambondunum.