Lutakast hjá U17- og U19-kvinnum

Í morgin, mikudagin 10. februar, verður lutakasti til EM-kappingarnar hjá U17- og U19-kvinnum, sum skulu spælast í summar.

Lutakastið verður á EHF-høvuðsætinum í Wien kl. 10.00, føroyska tíð, og verður stroymt á facebook og youtube.
https://www.facebook.com/homeofhandball/posts/3693707394011058
https://youtu.be/DNnyCshxvmI

EM-kappingarnar hjá ungdómsliðunum eru skipaðar soleiðis, at 16 tey hægst styrkismettu londini spæla um EM-meistaraskapið, meðan hini londini spæla um uppflyting til meistaraskapið og hægri styrkismeting.

Føroysku liðini spæla um uppflyting og eru bæði U17-  og U19-kvinnurnar styrkismettar sum nummar 25 í Europa.

U17-kvinnurnar skulu spæla EM-kapping í Georgia í august. 12 lið luttaka í kappingini og flytur vinnarin upp. Føroyar eru styrkismettar í potti 3. Lutakastið sær soleiðis út:
Pottur 1: Holland og Serbia
Pottur 2: Ukraina og Italia
Pottur 3: Føroyar og Georgia
Pottur 4: Grikkaland og Ísrael
Pottur 5: Bulgaria og Bosnia/Hezegovina
Pottur6: Estland og Luksemborg

U19-kvinnurnar skulu spæla EM-kapping í Makedonia í juli. 10 lið luttaka í kappingini og flytur vinnarin upp. Føroyar eru styrkismettar í potti 2. Lutakastið sær soleiðis út:
Pottur 1: Holland og Ísland
Pottur 2: Føroyar og Pólland
Pottur 3: Hvítarussland og Makedonia
Pottur 4: Finnland og Kosovo
Pottur 5: Bosnia/Hezegovina og Stóra Bretland

 

Tilmelding til Faroe Islands Handball Cup 2021

25. februar 2021

Faroe Islands Handball Cup 2021 verður í døgunum 2. til 4. august 2021. Eins og í fjør, so verður Faroe Islands Handball Cup fyri aldurbólkarnir frá U10 til og við U16 og fyri bæði gentur og dreingir.

A-landsliðið hjá monnum er úttikið

23. februar 2021

Venjararnir hjá A-landsliðnum hjá monnum, Sonni Larsen og Dia Midjord, hava úttikið 17 leikarar til dystirnar móti Ukraina og Kekkia, sum ætlandi verða 10., 12. og 14. mars.

Faxe Kondi steypavinnarar 2021

22. februar 2021

Stóra Faxe Kondi steypafinaluvikuskiftið er farið afturum. Heili 18 finalur blivu leiktar og fingu vit tvær serstakliga spennandi finalur leygardagin, tá kvinnurnar og menninir spældu. Harumframt var eisini eitt serstakt finalutiltak við Eydnudeildini, sum eydnaðist sera væl.