Málrevurin í Íslandi

Tað gongst væl hjá Áka Egilsnes í Íslandi. Hann er toppskjútti í at kalla hvørjum einasta dysti. Hann hevur skorað 80 mál í 11 dystum higartil. Hann hevur eisini longt sín sáttmála við KA við tveimum árum.

– Mær dámar avbera væl her, og umstøðurnar eru sera góðar. KA og eg hóska væl saman, so eri eg ógvuliga fegin um longda sáttmálan, sigur vestmenningurin.

Áki Egilsnes og liðfelagarnir í KA eru nummar tvey í næstbestu íslendsku hondbóltskappingini og hava góðan møguleika at flyta upp í bestu deildina.

– Vit liggja væl fyri og spæla væl í løtuni. Eg haldi, at vit hava góðan møguleika at vinna okkum uppflyting, sigur Áki Egilsnes.

Kappingin er skipað sum ein vanlig meistarakapping, men harafturat er ein innanhýsis kapping millum fimm tey fremstu liðini um uppflyting. Tvey lið flyta upp.

Áki Egilsnes og KA skulu spæla móti Stjarnuni leygardagin, sum liggur á einum áttanda plássi.

Mark Marcher settur í starv hjá HSF

13. desember 2019

Mark Lausen-Marcher er settur í starv sum samskipari hjá HSF. Mark kemur serliga at taka sær av ítróttarliga partinum av virkseminum hjá HSF, herundir bæði landsliðsarbeiðinum og breiddarhondbóltinum. Mark er eitt kent andlit í hondbóltsumhvørvinum í Føroyum, bæði sum fyrrverandi leikari, ungdómsvenjari og ungdómslandsliðsvenjari.

Neon Cup – hondbóltur í myrkri

2. desember 2019

Leygardagin 27. desember verður forvitnislig hondbóltskapping í Hoyvíkshøllini.

Margrið eygleiðari til HM í Japan

27. november 2019

Margrið Weihe skal verða altóða eygleiðari til HM hjá kvinnum, sum verður í Japan í tíðarskeiðnum 30. november til 15. desember.