Manslandsliðið úttikið

Nú er greitt hvussu A-landsliðið við monnum verður mannað til EM-undankappingardystirnar móti Ukraina í apríl.

Hópurin varð kunngjørdur á tíðindafundi í høvuðssætinum hjá BankNordik fyri løtu síðan.

Manslandsliðið skal spæla móti Ukraina í Kiev 10. apríl og aftur móti Ukraina í Keypmannahavn 13. apríl.

Landsliðsvenjararnir, Sonni Larsen og Jeppe Borch, hava úttikið 16 leikarar til uppgávurnar.

Ukraina hevur eins og Føroyar spælt tveir dystir í EM-undankappingini. Teir taptu 24-30 móti Danmark og vunnu 29-24 á Montenegro. Føroyar spældu javnleik móti Montenegro og taptu 17-36 móti donsku heimsmeistarunum.

Føroyar og Ukraina hittust í HM-undankappingini í januar í 2018. Tá vann Ukraina við átta málum.

A-landsliðið

Málverji
Niklas Simonsen, TMT Tønder
Nicholas Satchwell, Neistin

Vinstri vongur
Rói Berg Hansen, FIF

Vinstri bakkur
Hans Eli Sigurbjørnsson, KÍF
Peter Krogh, H71

Spæliskipari
Jónas G. Djurhuus, Viking Stavanger
Tróndur Kragesteen, Neistin

Strika
Rókur Akralíð, HII
Helgi H. Hoydal, Viking Stavanger
Rógvi Dal Christiansen, Kyndil

Høgri bakkur
Áki Egilsnes, KA Akureyri
Kjartan Johansen, Viking Stavanger

Høgri Vongur
Allan Norðberg, KA Akureyri
Nicklas Selvig, Stavanger IF

Verja
Eirikur Simonsen, FFI
Brandur Halgirsson, H71

 

Kvinnulandsliðið móti úrvalsliði

22. mars 2019

A-landsliðið við kvinnum skal spæla tveir venjingardystir um vikuskiftið – í dag móti U17-landsliðnum við monnum, og í morgin móti einum úrvalsliði, ið er mannað við m.a. Agnas Olsen, Liljuni Djurhuus, Jovanu Stranjanac og Onnu Brimnes og øðrum profilum í føroyskum hondbólti. Ingi Olsen stendur fyri liðinum.

Spennandi niðara hálva

21. mars 2019

Hol varð í gjárkvøldið sett á niðaru kappingina hjá monnum, og líkt er til, at tað kunnu gerast nakrir spennandi dystir millum KÍF, Team Klaksvík og StÍF. 

Soleiðis verða finalurnar skipaðar

20. mars 2019

Í kvøld verða fyrstu hálvfinalurnar í Okkara-deildini, tá VÍF fær vitjan av H71. Hóskvøldið hittast Kyndil og Neistin í hinari hálvfinaluni. Aðru hálvfinalurnar eru sunnudagin.