Møguleiki at stuðla landsliðunum fíggjarliga

Ungir føroyskir hondbóltsleikarar sýna eyðsýndar gávur á ovastu hondbóltsrók í hesum døgum. Somuleiðis hava A-landsliðini víst, at vit kunnu verða við, har tað er stuttligt.

Tað er samstundis ein sannroynd, at landsliðshondbóltur kostar og at vit ikki hava nøktandi umstøður her heima at hýsa altjóða A-landsdystum og tískil mugu spæla heimadystir í Danmark.

Fleiri feløg og privat persónar hava spurt, um tey kunnu stuðla landsliðsarbeiðinum, soleiðis at vit framhaldandi tryggja góðu gongdina og geva føroya fólki spennandi landsdystir av savnast um. Vit vilja her geva fyritøkum og privat persónum møguleikan at stuðla føroyskum hondbóltsítrótti, sum í løtuni er við til at seta tjóðina á heimskortið.

Ynskja tit at stuðla fíggjarliga, kunnu tit flyta einhvørja upphædd tykkum lystir á konto hjá HSF í BankNordik 6460 1012896.

90 minuttir um vikuna

21. februar 2020

Spurningurin um nær leikarar verða ovbyrðaðir, hevur verið nógv umrøddur í seinastuni. Mark Lausen-Marcher, ítróttarsamskipari í HSF, hevur skrivað ein blogg um hetta.

Lutakast til European Open

21. februar 2020

Lutakast til European Open hevur verið, har føroysku U16-kvinnurar luttaka í døgunum 29. juni til 3. juli.

Faxe Kondi steypavinnarar 2020

17. februar 2020

Stóra steypavikuskiftið í Høllini á Hálsi er farið afturum. Heili 12 finalur vórðu spældar og stór sum smá hava stríðst um gullið í 520 minuttir samanlagt.