Mowi heldur áfram sum stórstuðul hjá HSF

Mowi verður framhaldandi stórstuðul hjá HSF í 2020. Gunn Ellefsen, forkvinna í HSF, og Hans Jákup Mikkelsen, stjóri í Mowi, hittust í dag fyri at undirskrivað sáttmála fyri 2020.

Í meira enn 5 ár hevur Mowi, fyrr Marine Harvest, verið millum fremstu stuðlarnar hjá HSF og føroyskum hondbólti. Mowi hevur sostatt verið við í tí stóra framburðinum og við til at tryggja, at vit nú støðugt kunnu luttaka í altjóða EM og HM-kappingum í øllum aldursbólkum.

– Gunn Ellefsen, forkvinna í HSF, sigur, at hon fegnast yvir at Mowi hevur trú uppá okkara framtíðarætlanir, og at teir hava verið við yvir fleiri áramál, sum er so sera týdningarmikið.

– Hans Jákup Mikkelsen, stjóri í Mowi, viðmerkir, at tað hevur týdning at stuðla føroyskum hondbólti. Góðu úrslitini hjá fleiri av okkara landsliðum vísir, at føroysku feløgini og HSF hava gjørt eitt gott arbeiði, og tað vilja vit gjarna stuðla.

Sáttmálin við Mowi merkir millum annað, at landsliðini hjá HSF koma at bera merkið “Rinka” á klæðunum, sum er vørumerki fyri laksavøruna hjá Mowi.

Hesi halda skil á landsliðunum

26. januar 2023

Øll landsliðini hjá HSF hava ein liðleiðara tilknýttan, sum tryggjar at venjingar, kappingar og virksemi kring liðini sum heild gongur smidliga.

Spennandi HM-lutakast

17. januar 2023

Føroysku U21-mennirnir fingu eitt gott og spennandi lutakast til HM-endaspælið. Føroyar komu í bólk D saman við Spania, Japan og Angola.

Stroymið U21 HM lutakastið

17. januar 2023

Í dag kl. 15.00 verður lutakastið til U21 HM-endaspælið hjá monnum, sum verður leikt í Týsklandi og Grikkalandi.