Nær skal eg velja?

Er neyðugt hjá børnum at halga seg eina ítróttagrein fyri at røkka langt? Hvussu ofta og hvussu nógv ymiskt kunnu børn og ung venja? Hvat er talent og hvussu kemur tað til sjóndar?

ÍSF ynskir at svara hesum og øðrum spurningum um fyrimunir og vansar við, at børn og ung íðka fleiri ymsar ítróttargreinar á forvitnlisligum tiltaki í Reinsarínum í Havn 30. oktober. Umframt upplegg frá royndum serfrøðingum í ítrótti og venjing, verður pallborðskjak við viðkomandi spurningum.

Tiltakið er sjálvandi ókeypis og vendir sær til foreldur, venjarar, nevndarlimir og onnur ítróttaáhugað, sum vilja vita meira um fyrimunir og vansar við spesialisering á ungum aldri.

Tey ið manna kjakpanelið eru:
– Heri Ziska
– Magni Mohr
– Pætur Clementsen
– Jón Bjarnason
Maria Ziskason Nesá stýrir kjakinum.

Kvinnurnar møta Sveis og Hvítarusslandi

8. juli 2020

Føroysku kvinnurnar skulu møta Hvítarusslandi og Sveis í HM-undankappingini.

Fleiri enn 500 børn og ung tilmeldaði til Faroe Islands Handball Cup í Vági

3. juli 2020

Í august verður hondbóltskappingin Faroe Islands Handball Cup á fyrst sinni í Vági. Og nú tilmeldingarfreistin er farin eru tað meldaði 59 lið til kappingina og tilsamans fleiri enn 500 børn og ung, sum koma til Vágs at kappast í døgunum 3. til 5. august.

Lutakastið til HM-undankappingina hjá kvinnum

29. juni 2020

Mikudagin 8. juli kl. 14.00, verður lutakastið til komandi HM-undankappingina hjá kvinnum.