Nú er endaliga greitt, hvørji lið skulu spæla Faxe Kondi finalurnar hjá kvinnum og monnum.
Hjá kvinnum verður tað ein endurtøka frá í fjør, har VÍF og Kyndil hittast. Hjá monnum skulu verandi steypavinnarar, Kyndil, royna seg móti oddaliðnum í landskappingini, Neistanum.
Dystarskrá
Kl. 13.30 VÍF – KYNDIL
Kl. 16.00 NEISTIN – KYNDIL
Føroyska kvinnulandsliðið skal spæla tveir dystir móti Finnlandi, ávikavist 4. og 5. apríl. Talan er um venjingardystir.
Tað er stórur munur á heima- og útivølli í hondbólti. Hetta má staðfestast eftir stóra ósigurin móti Rumenia í dag. Føroyska manslandsliðið gjørdi nógv álopsmistøk og brendu nógvar málmøguleikar. Føroyar taptu 25-17, eftir 14-10 til rumenar í hálvleikinum.
Eftir sigurin á Rumenia mikukvøldið, kom av álvara gongd á atgongumerkjasøluna til seinasta heimadystin í hesari EM-undankappingini, og vóru øll atgongumerkini til dystin móti Ukraina seld í gjár.
