Niklas og Eirikur til donsku fyrstu deild

Komandi kappingarár vera tveir føroyingar afturat at síggja í næstbestu donsku deildini í hondbólti.

Vinstri bakkurin, Eirikur Simonsen, hevur gjørt avtalu við Frederikshavn, meðan málverjin, Niklas Simonsen, fer til Tønder.

Niklas, ið er 22 ára gamal, hevur í fleiri ár verið í felagnum Skjern, sum bleiv danmarkarmeistari  í vikuni við sínum ligaliði. Kvívíkingurin hevur  verið knýttur at næstbesta liðnum, men hevur eisini spælt onkran dyst við besta liðnum, millum annað ein Champions League dyst.

– Nú var tíð uppá at fara víðari. Eg havi tørv á størri avbjóðingum og vil fegin menna meg meira sum málverji, so tí eri eg fegin um hendan møguleikan, greiðir Niklas frá.

Tønder spældi í bestu deildini í fjør, men endnaði á aftasta plássi og flutti niður. Málið hjá felagnum er at enda millum trý tey ovastu liðni, sum gevur møguleika fyri uppflyting.

Eirikur spældi í fjør við barndómsfelagnum Kyndli, sum gjørdist steypavinnari. Hann hevur áður spælt við Viborg, meðan hann var undir lesnaði. Nú fer hann til Aalborg at gera lesnaðin lidnan og tí sambandi fer hann aftur í donsku deildina.

Fleiri spælarar uttanlands
Tað økist alsamant við føroyskum leikarum, sum leita sær út um landoddarnar at spæla hondbólt. Næsta kappingarár spæla higartil fimm føroyingar við næstbestu donskum deildini hjá monnum. Teir eru Helgi Hoydal, Jónas Gunnarson Djurhuus, Rói Berg Hansen, Niklas Simonsen og Eirikur Simonsen. Á kvinnusíðuni eru fýra føroyingar í donsku fyrstu deild. Tær eru Ninna Johansen, Kristianna Henneberg Joensen, Pernille Brandenborg og Siw Matras.

Harumframt skulu Áki Egilsnes, Allan Norðberg og Turið Arge spæla við bestu íslendsku deildini. Ein leikari er í næstbestu norsku deildini, sum er Kjartan Johansen.

 

Lutakastið til EM22-undankappingina

2. juni 2020

Um tvær vikur, týsdagin 16. juni kl. 16.00, verður lutakastið til komandi EM-undankappingina hjá monnum.

Felagsvenjing fyri kvinnulandsliðini

26. mai 2020

Í vikuskiftinum var felagsvenjing fyri kvinnulandsliðini hjá HSF. Talan er um A-landsliðið, U18 og U16, sum vóru savnaði í Høllini á Hálsi.

Faroe Islands Handball Cup í Vági

18. mai 2020

Í august í ár verður á fyrsta sinni skipað fyri stórari hondbóltskappingin í Vági undir heitinum Faroe Islands Handball Cup.