Nógv landsliðsvirksemi um jóltíðir

Fleiri av okkara landsliðum eru farin til verka, nú landskappingin her heima á klettunum og uttanlands er farin í jólafrí.

Serliga A-landsliðið hjá monnum er farið undir drúgvar fyrireikingar, tí longu um hálvan januar skal manslandsliðið spæla tríggjar HM-undankappingardystir. Dystirnir eru í Italia, og mótstøðuliðini verða Italia, Rumenia og Ukraina.

A-landsliðið hevur tvær landsliðssavningar um jóltíðir. Tann fyrra byrjaði í gjár, mánadag, og heldur fram til hósdagin 21. desember. Seinna landsliðssavningin er frá hósdegnum 28. desember til leygardagin 30. desember.  28 mans eru boðsendir til landsliðsvenjing.

Venjararnir, Sonni Larsen og Jeppe Borch, skulu úttaka 16 spælarar, sum skulu umboða Føroyar til HM-undankappingina í Italia í januar.

Atgongumerki til sølu

31. januar 2023

Kl. 12.00 í dag koma atgongumerki til komandi steypafinalurnar og manslandsdystir til sølu. Atgongumerkini fáast til keyps á atgongumerki.fo.

Hesi halda skil á landsliðunum

26. januar 2023

Øll landsliðini hjá HSF hava ein liðleiðara tilknýttan, sum tryggjar at venjingar, kappingar og virksemi kring liðini sum heild gongur smidliga.

Spennandi HM-lutakast

17. januar 2023

Føroysku U21-mennirnir fingu eitt gott og spennandi lutakast til HM-endaspælið. Føroyar komu í bólk D saman við Spania, Japan og Angola.